沙田海皇粥 & 康年餐廳

今日我和相公到沙田香港文化博物館 , 

看法貝熱 ( 俄羅斯宮廷遺珍 )展覽 . 

到達沙田新城市廣場 , 遊人之多令人咋舌 ! 

大部份都係國內人 , 我們先去覓食 , 

可能正值午飯時間 , 所有食肆門前都站著等位的人 , 

記憶中我們曾吃過唯一麵家的麵點也不錯 , 

憑記憶好容易便找到了 , 但可惜他正在裝修中 , 

我們又要再去其他食肆看看 , 很久沒有吃過 " 海皇粥 "  . 

我和相公分工合作 , 佢去賣食物 , 我去等位 , 

好不容易才可以坐下來吃東西 . 

相公把食物往枱上一放 , 

哦 ... 炸兩、齋腸粉和南瓜粟米肉碎粥 . 

兩碟都係腸粉0既 , 他說這裡的腸粉是現場拉的 , 

一定會好吃些 , 所以買兩款腸粉 , 真冇佢辦法 , 

算了吧 ! 或者真係好食0既 , 

齋腸粉唔熱又唔滑 , 炸兩都係凍的好彩油條都幾脆 ,

南瓜粟米肉碎粥 , 就更加不像樣 , 南瓜溶哂杰撻撻 , 

肉碎好嚡 , 粥裡混雜著一些成嚿疑似飯的軟軟物體 , 

我諗粥底不是用米煲成 , 因為我曾聽過朋友講過 , 

有些粥店把飯用機打散再煲粥 , 

碗粥衹可一個字形容 " 甜 " , 可能粟米和南瓜的關係 , 

我衹吃了三份一就放棄 . 

瘦肉粥好多煙出 , 但樣子稀巴巴 , 

相公話麻麻地 , 他衹吃了一半就放棄 , 

我諗不會再幫襯 . 

今日是星期三入場票半價 , 參觀的人超多 , 

場內不可以攝影 , 展品唔算多 , 

人太多空調又不足 , 行冇幾耐便離開了 .

我倆返回沙田新城市廣場逛逛 , 

太多拉著車仔的遊客左穿右插 , 

沒有心情停留在這裡 , 情願出旺角行下 ,

順道吃埋晚飯才回家 .  

又去康年餐廳吃晚飯 , 紅蘿白木瓜雪耳唐排湯 . 

新西蘭牛扒配炒飯

咖喱豬扒配意粉 , 

豬扒好多件稔滑好味 ,

相對意粉顯得份量較少 .  

每次有麵包出爐 , 

員工托出嚟都會高聲喊著乜乜包出爐 , 

引得我唔食都唔得 , 

太飽衹叫一個 , 跟相公對分 , 

熱辣辣外皮脆脆 , 好香 !