奧海城聯邦皇宮開年

年初六和家人相約晚上到奧海城吃開年飯 , 
我和相公提早出尖沙咀行街 , 街上行人川流不息 
醒獅逐間店舖入去採青 , 路過的人也停下來欣賞 , 
當然包括我倆也在其中 .

                 

醒獅採青完畢 , 戲肉做完人群一哄而散 . 

                               
差不多時間起程到奧海城會合 . 

比預定時間早了少許 , 周圍逛下 , 
雖然是年初六 , 這裡人流都是很少 .

 

今餐就係嚟呢間食飯 , 定枱是 7 点鐘 , 
正值吃飯黃金時間 , 我們擔心如果遲了會冇位 , 
所以約定邊個早到 , 都入去坐定定 .

今次我地早到先入去坐 , 環顧周圍裝修都唔錯 ,

晚飯黃金時間入座率大概一半 .

可人兒到 ..............  佢識得恭喜恭喜笑得好燦爛 .

           

外太公抱住外曾孫 , 笑得同樣咁燦爛 .

影完相開始睇菜單 , 又衹有新春菜式 , 

大家睇完都覺得這個半圍菜式都唔錯 , 

龍蝦係波士頓出產擔心太細隻 , 揾侍應問清楚才落單 , 

剛巧有位穿着唔同西服的亞叔行過 , 估計佢係部長 , 

但他給我們的回應使我們為之氣結 .

問 :  唔該我想問呢個餐0既龍蝦 ,  半圍有幾多份量呀 ! 係咪開邊上0架 !
亞叔答 :  咪係隻半囉 , 斬碎上 .  
問 :  好細隻喎夠唔夠食0架 ?
亞叔答 :  咁你咪叫散菜囉 ............... ( 態度有點不耐煩 )
問 :  張菜單寫半圍包 2 罐啤酒 , 我地唔飲酒可否換做汽水呀 ?
亞叔答 :  得 ..( 愛理不理地答 )  兩罐啤酒換一罐汽水 , 跟住就自動消失咗 .
好似劉華話齋 , 今時今日咁0既服務態度 .. ( 簡直同老細倒米 )
大家都覺得佢態度令人好唔舒服 , 
於是聽佢話叫散菜 , 重平好多添 .
                    

                     

 

花膠杏汁菜胆白肺湯 
材料都算足味道一般 , 但食完飯冇幾耐就開始口渴 . 



聯邦一品燒雞 
用自己招牌做餸名 , 照計有番咁上下卦 , 
但 ......... 好失望 ! 皮不脆肉質一般 , 冇乜雞味 .

發財海味一品煲 
我衹食過一隻蠔豉 , 很稔滑但冇哂蠔豉味 .

燒汁茄子一口牛 

牛肉粒肉質很梗又冇牛肉味 , 配菜的雜菇很好味唔錯 .

瑤柱珍菌扒豆苗 , 豆苗比較老 , 珍菌一般 . 

帶子海皇賽螃蟹 , 呢味唔錯蝦有蝦 , 蟹有蟹味 .

美極煎焗中蝦 , 鮮甜美味 .

老虎班幾新鮮

張枱唔太大餸菜嚟得很快 .

生炒糯米飯 
飯唔爽口味道都算唔錯 , 覺得唔似生炒 .

           

                            

食完飯時間尚早 , 在商場影下相 .

                   

小朋友大得好快 , 每次都唔同樣 , 

影埋可人兒架私家坐駕 , 下次食飯見喇 .