太平館晚餐

今日出紅磡探朋友 , 未入屋已聽到歡迎聲不絕 , 

兩隻狗狗以熱烈吠聲歡迎我 , 

當我企定定牠們便乖乖没有再吠 , 

反而叫我抱抱 , 很可愛哩 ! 

先介紹佢係腸粉 

呢位係七仔

很久沒有跟狗狗玩了 , 

很多謝朋友一家給我一個好開心的下午 , 

要拜拜lu , 

因為我約了相公到油麻地茂林街太平館吃晚餐 , 

第日再嚟同你地玩過 . 

   

內部裝修顯得陳舊而且面積也不大 , 

餐廳侍應的年齡也不少了 , 

但很有禮貎服務態度很好 , 

在座的客人遊客也佔不少 .

豬脾飯 , 肉片下面墊了一個半生熟蕃茄 , 

配瑞士汁唔太甜 , 當食第一口薄薄豬脾肉片時 , 

感覺像廣東燒肉嚡嚡地太瘦了 , 

 但食多兩啖開始覺得有別於廣東燒肉 , 

肉質有油脂甘味 , 慢慢又覺得幾好味 , 

如果瑞士汁顏色稍淺色 , 相信賣相會討好些 .

白飯配牛脷

 岑味牛脷餐牌上的介紹 :  

" 岑味 " 來自 Salmis 譯音 , 

乃是一種傳統法式醬汁 , 用鴿珍肝 , 肉碎 , 

香料等材料烹調而成 , 甘香冶味 , 配牛脷及牛扒更佳 , 

是香港早期港式西餐其中一種代表菜式 .

食後感 : 軟滑甘香加埋鴿珍肝汁絕配 . 

 最後來了一個超級大梳乎厘 , 

我們從未食過咁大的梳乎厘 , 簡直令人眼前一亮 , 

面層很脆很香蛋味 , 食完飯再食埋這客甜品飽到上心口 . 

太平館資料