午餐通常都到外面吃 , 我和相公愛吃包點和麵 ,
今次幫襯領展商場裡剛開業不久的上海姥姥 ,
店子較細大概 40 個座位 , 可能新開張大家都抱著試新嘢 ,
我們下午一點幾到達 , 等了 15 分鐘才入座 .
該店的前菜有差不多 10 款 , 包和麵點較少選擇 ,
小菜相對較多 .
菜肉雲吞拉麵 ,
雲吞皮有梘水味 ,
饀肉較削可能混合較多肥肉吧 !
湯底味道偏淡 , 麻麻 !
生煎包
門外掛上這款包的相片 , 相信是他的主打食物 ,
包底煎得微黃香口脆脆 , 饀裡的菜切得極為幼細 ,
肉饀有少許肉汁幾鮮味 , 熱辣辣特別覺得好味 .
蔥油餅
餅好酥脆香口熱辣辣 ,
吃起來感到有豬油的氣味 ,
饀內的蔥很新鮮 , 唔錯 .
午餐的蔥油餅較油膩 ,
所以晚餐唔煮肉 ,
到超市買點滷豆腐和蛋煮菜 .
滷豆腐和蛋煮娃娃菜 ,
豆腐淡淡的 , 蛋很香滷水味但較鹹 .
秋葵 ( 羊角豆、潺茄 )
聞說這種植物對人體肝、腸、氣管和糖尿病有預防作用 ,
所以買來試試 , 菜販教我切去蒂部洗淨 ,
用大滾水加少許油和鹽焯一分鐘便可食用 ,
樣子翠綠味道清新但裡面滲出潺來 ,
感覺有點怪怪的 .
豆腐煮蕃茄
我未食過秋葵, 唔知好唔好味呢
回覆刪除哈哈我都係第一次食 , 但麻麻地接受 , 我覺得同榴槤一樣鍾意食就覺得好味囉 .
刪除近年興起的秋葵,始終冇試過!
回覆刪除我就覺得麻麻地 , 妳都買嚟試下喇 , 如果妳接受到咪多個選擇囉 , 而且傳聞幾有益的 .
刪除秋葵可以唔洗切個頭,用來打邊爐,煮咖喱,煮麵豉都好食。 切粒蒸蛋又得。
回覆刪除喔原來佢可以咁多種炮制方法0既 , 我諗煮咖哩都唔錯的 , 謝謝妳話比知呀 !
刪除未吃過秋葵, 看來幾爽口.綠得也碧翠, 顏色好看.
回覆刪除樣子都幾靚 , 但口感就有少少怪的 , 好似榴槤食得就覺得正 .
刪除秋葵可能燒會好食啲。我喺樓下間日本嘢第一次食。想買返屋企整又唔識整。但聽聞有益,所以去親都會食!
回覆刪除我都係聽聞有益才買來試的 , 原來日式用來燒會好吃些 , 有機會見到燒秋葵都試試 .
刪除