昨日我們一家人到尖沙咀The One 的利寶閣吃晚飯 ,
大概晚上 6 : 40 分到達酒樓 ,
喔.....整間酒樓加埋我地衹有三張枱有客 , 水靜鵝飛 !
直至七點多鐘才多三枱客 , 生意真難做啊 !
沙葛條 , 微辣清甜爽口 ,
不失為夏天不錯的前菜 .
我唔食的蒜片和牛粒 ,
相公話肉質外稍硬 , 裡面都幾稔滑 ,
大概 8 成熟 , 味道一般 .
八味豆腐
豆腐粒粒炸得剛好 ,
外脆內滑滑的配上八味調味粉 , 真的不錯 .
濃湯雞煲鮑翅
鮑翅寫上四位用但分成我們七位用 ,
每碗都算幾多翅 , 湯味濃郁翅身唔算幼 , 爽口 .
孖寶餐我們選擇了 ,
上湯焗波士頓龍蝦配米粉和炸雞半雞 ,
龍蝦有肉的不多 , 我沒有吃龍蝦衹吃墊底的米粉 ,
汁太少所以米粉太乾都幾油膩 ,
相公話龍蝦肉都幾爽 , 但冇乜鮮味 .
炸雞 ,
皮薄幾脆味道不錯 .
欖角骨 ,
很少吃欖角它的味道有點怪怪的 , 排骨肉質算稔 ,
但配了不知什麼甜席席黐立立疑似糖膠的東西 ,
把所有排骨緊緊結集在一起 ,
要吃件排骨得花點氣力才能分開 ,
構思唔錯可惜選料不當 .
欖菜肉崧爆炒芥蘭 ,
可能芥蘭已開始過時有點苦苦地 , 鑊氣唔錯 .
啫啫通菜煲
送來的菜一點啫啫感覺都沒有 ,
通菜唔太熱可能酒樓冷氣太凍卦 ,
路途中已開始散熱 , 麻麻 !
鮮茄魚湯海皇泡飯
鮮茄紅當當浮在湯面 ,
米飯太少感覺唔似泡飯似稀稀的湯 ,
食材裡最多是蝦粒 ,
好似還有些帶子粒和魚肉粒 ,
味道唔錯可惜飯太少 ,
早知咁少飯情願叫碟炒飯好過了 .
幸福滿溢甜品
甜品每款四件分別有 :
冇咩牛油味的合桃曲奇餅
軟綿綿的皮包著微酸的芒果肉粒 ,
鬆脆炸蛋散
微甜的杞子桂花糕
微甜軟軟的蔗汁糕
估唔到而家市道咁差
回覆刪除我覺得中式食肆較差 , 現在很多年青人多愛吃日式食肆 .
刪除咁少客坐得舒服喎
回覆刪除很清靜 , 我們七個人坐 12 人枱好寬闊 .
刪除