福田

昨天到國內福田看看 , 

到達目的地已是吃午餐時間 , 

我和相公第一次自己到國內遊逛 , 

衹在福田口岸附近行下 , 區內食肆林立 ,

我倆猶如大鄉里 , 尋尋覓覓走到一間樓上酒樓 " 漁米粥 " 

門前接待員介紹這裡用粥底做火鍋 , 

我們覺得午餐吃火鍋好似有點怪 ,

本想離開但接待員游說我們 , 

這裡還可以吃其他餸菜的 ,

哦 ... 咁就試試吧 ! 

 內部燈光較暗佈置古樸 , 

專人在堂內一角煲老火湯 ,

大部份本地客都吃火鍋 , 

樣子似遊客的就叫餸菜吃飯 .

 順德六味燴蟮絲58蚊人仔

菜譜除相片還有詳盡介紹其他食材 ,

韭黃 , 韭菜花 , 紅辣椒 , 笋絲 , 叉燒和豆豉等 , 

蟮絲炒得剛好不會太稔像新鮮品 ,

叉燒跟香港制法有點不同 , 覺得好似肉干絲較硬身 , 

韭菜花可能已過造好老 , 整體算唔錯幾好味 .

 豉汁排骨蒸陳村粉36蚊人仔

香港酒樓的茶市都有這款作點心供應 ,

所以份量好少而粉質好稔 ,

這碟粉好乾身爽口唔似蒸像炒河粉 , 味道唔錯 ,

排骨是鮮品較肥 .

今餐133蚊人仔中包括紙巾茶錢和加一 .

 最後雙皮奶好滑15蚊人仔 

較削身唔太甜 , 冇咩奶味 .

 吃飽了 , 慢無目的地周圍逛 ,

看見地鐵落去八八 , 人流和燈光同樣沒有香港咁旺 ,

我倆想試搭車去深圳灣 , 線路牌很清晰但沒有深圳灣 ,

我們到站內職員詢問 , 但她唔知道咩站啱 , 

指我們前去詢問處問人 , 當我倆急忙往前走被叫停 ,

原來所有入和乘客都要經過安檢才可往前行 ,

連手袋都要過 X 光機的 ,

詢問處職員說沒有車前去深圳灣 ,

失望地離開 .

 往地面胡亂逛逛 .

 行行重行冇咩啱睇 , 不知不覺很攰了 ,

喔 ... 步行街精神為之一振 , 

攤位唔多貨品跟香港差不多 ,

價錢都係差不多 , 搵地方坐坐吃晚飯吧 !

九肚魚32蚊人仔有兩種制作 

有椒鹽或避風塘九肚魚 , 在香港吃過很多次椒鹽 , 

詢問侍應員避風塘制作有什麼配料是否辣的 ,

回答唔辣0架 , 叫我們放心叫囉 ,

喔 , 全是辣椒那有不辣之理啊 ! 

相公好勇試吃小口辣椒 , 呵呵中招 ,

好彩九肚魚唔辣 ,

熱乎乎滑滑又香口 , 好吃 !

 客家蒸釀豆腐28蚊人仔

釀料是豬肉微爽口豆腐好滑 , 味道唔錯 .

 南瓜芋頭煲28蚊人仔 

南瓜唔甜又唔粉 , 芋頭微粉 , 鮮冬菇冇味 ,

墊底是黃芽白幾稔 , 輕微椰奶味 .

白飯細細碗3.5蚊人仔 .