近來北上深圳是我和相公閒來無事消磨時間的節目 ,
今次又係到海岸城 , 這裡實在好方便 .
每次中午才出發 , 到達這裡已是中午一點多鐘 ,
以往首先到小店吃午餐 ,
晚上提早6點前吃晚餐 , 避開等位的人群 .
海岸城搭N474 號巴士或N299 直達 ,
以前過關後車站就在附近 ,
去海岸城 2 架巴士很貼近 , 見咩車就上咩車 ,
最近所有巴士站他遷( 原地興建地鐵站 )
搬站之後兩架去海岸城的巴士站距離很遠 , 衹可任擇其一 ,
等車期間遇上同是來自香港的一對年長夫婦和一位中年男士 ,
我們好像他鄉遇故知地攀談起來 ,
他們都經常到海岸城遊逛和飲食 ,
中年男士介紹我們到位於天利名城裡的(北海漁村)
飲下午茶 ( 暫時未見過深圳酒樓有下午茶 )
他說點心唔錯價錢平扺食 , 2 點開始下午茶6.5折 ,
酒樓較舊式頗為整潔 , 衹得幾枱客環境十分清靜 .
豬仔包饀有栗子粒和好似是白蓮蓉 ,
包身像老麵團制作不會一陣風 ,
栗子顆粒稍硬都算幾好食 .
晶瑩蝦餃皇
皮薄饀料有3隻中蝦爽口鮮甜還有少量笋粒 .
初蛋燉榴槤
甜品放到最後才吃 , 蛋外殼好熱仍然燙手 ,
甜品放到最後才吃 , 蛋外殼好熱仍然燙手 ,
第一口吃衹有蛋味微甜 , 往下就超濃郁榴槤果肉 ,
好甜.... 好香... 好好食 .
好甜.... 好香... 好好食 .
叉燒腸粉好滑 , 叉燒半肥瘦好味 ,
兩棵菜蕊好稔還配上一棵小西蘭花, 有點怪 !
今餐折實62文人仔 , 超平又好食 , 有下次 !
湯姆師傳新鮮蛋糕出爐 ,
隔著玻璃也散發出熱烘烘蛋糕香味 ,
枱另外一邊工作人員把雞蛋逐隻打開 ,
把蛋黃和蛋白分開放入盛器中(掛住睇忘記影下來)
攪好麵糊倒入焗盆中 , 麵糊一半地方排上芝士片 ,
再覆上第二層麵糊再一半地方排芝士片 ,
最後覆上麵糊入焗爐焗 , 就變成香噴噴蛋糕 .
好似真材實料引得我好想食 ,
現在新張期間買一條芝士蛋糕39文人仔 ,
就送一條原味蛋糕28文人仔
新鮮出爐熱辣辣好香 , 在街上不可以食 .
蛋糕香味久不久傳出來 , 太吸引了 !
食完晏継續行程 , 搭地鐵去世界之窗站行街 ,
晚餐到益田假日廣場食台式( 鹿港小鎮 )
雞枞燉老母雞湯一盅 , 食材有雞 ,
蟲草花和好似本菇 , 湯清清地味道幾好 .
台式炸豆腐
豆腐外面炸得微脆 , 裡面滑較淡要蘸上配料進食 .
台式牛腩煲
白蘿白很多 , 相對牛腩很少每件細細粒 ,
味道過得去 , 我較愛吃港式炆牛腩惹味些 .
鹿港三杯雞
雞件斬得太細多碎骨 , 濃味太乾身有些雞焦濃了 .
還有一碗菜飯沒有影 , 今餐194文人仔 , 食物唔太啱食 .
雞件斬得太細多碎骨 , 濃味太乾身有些雞焦濃了 .
還有一碗菜飯沒有影 , 今餐194文人仔 , 食物唔太啱食 .
食完飯時間尚早到廣場外面看看
對面馬路是世界之窗
相關網誌 : 世界之窗 ( 完結篇 )
世界之窗分佈圖
萬聖節快到了 !
佈置品有點像鹿 , 尾部又好似係另類嘢 .
好多人賣萬聖節閃燈頭飾
萬聖節還未到已經好有氣氛 ,
真正來臨這裡一定好熱鬧了 ,
感受完熱鬧氣氛乘90號巴士回深圳灣口岸 .
頭兩款點心很精緻。
回覆刪除係呀賣相幾得.
刪除午餐點心幾好呀。 台式晚餐都唔啱我。
回覆刪除我都覺得台式唔啱口味.
刪除好岸城去過一次,係度可以玩上一日,食野唔錯.
回覆刪除呢度範圍真係幾大,要行哂9座商場一日行唔哂,食肆又多如果每間試均相信要一個月了.
刪除真係世界輪流轉, 依家北上總比留港安全呀!!!
回覆刪除商場新食肆多人流少,行得舒適.
刪除唔該 給我 豬仔飽和蛋榴槤 各一客 好嗎?
回覆刪除梗係可以喇,立刻送到,少心熱呀!
刪除收到喇,好好味,多謝。
刪除蛋糕回家吃係咪依然好美味^^
回覆刪除仍很鬆軟好香蛋味,又有芝士味,好好味.
刪除妳地真喺叻,喺深圳識咁多窿路搵好嘢食...
回覆刪除我地得閒無事得圍逛,見咩都試試.
刪除