冬菇栗子支竹炆咸豬手

三文魚頭豆腐湯 

煎香三文魚頭加豆腐 , 

蕃茄和紅蘿蔔一起煲湯 , 

想起之前買了一大包紫菜還沒有開封 , 

正好今次放落去煲試試 .

噢 , 失敗了 !  

原來同其他食材唔太夾的 . 

烚椰菜花 

冬菇栗子支竹炆咸豬手

昨日從餐廳打包回來的咸豬手口感較實 , 

有如金華火腿那樣咸香 , 

跟冬菇栗子支竹一齊炆 , 味道真不錯 !  

 

" DINELAND "脆皮德國咸豬手

建生輕鐵站落車 , 到附近的小區逛逛順道食午餐 , 

區內除了公屋還有些舊式私樓 , 

食肆林立最後我們選擇到" DINELAND " 

餐廳外有座位給帶同寵物齊來用餐的 .

晚上有酒供應 .

用餐時間 90分鐘 , 價錢合理食物也不錯 .

沒有加一服務費 , 衹收現金 .

我們叫了兩份午餐 , 食物水準也不錯 .

熱朱古力

我們第一次喝有拉花的飲品 .

餐湯餐包

磨菇忌廉薯蓉湯好濃香好味 .

微暖軟餐包灑上粟米微粉粒 , 搽牛油好食 .

脆皮德國咸豬手配蜜糖黑椒汁 $ 116

豬皮脆卜卜好香口 , 

肉質較實有點似金華火腿咸香味道不錯 , 

味道雖好但我們反而鍾意食伴碟的炸薯角 , 

熱辣辣有粉狀調味香料附著好咸香 .

豬手份量也不少 , 吃不完要打包回家 .

香煎格陵蘭比目魚 $ 118 

薯角真好食 ! 

煎香的比目魚皮很脆肉質 juicy .

餐廳內座位大概衹有10張4人枱 , 

客多就把4人枱分開變2人枱 , 

座位好細跟隔離好近 .

我們已差不多是最後離開的客 , 

才可以影到窗外景物 .

朱古力心太軟伴雲尼拿雪糕 $ 28 

甜品微熱切開少許裡面的朱古力立刻往外流出 , 

朱古力太好味了 ! 

流出來的朱古力用雪糕蘸來食又有另一種味道 .

餐廳服務也不錯 , 

既然沒有收加一服務 , 我們另外給多少少貼士 .

我倆吃得飽飽的 , 繼續周圍逛下 .

商場外牆好童真 , 入去看看 .

樓高兩層先看看一樓佈置也很童真 .

二樓佈置更加得意 

行到盡頭是私家醫生診所集中地方

除了這幾間另外一面也有幾間 .

" 囍雲軒 "脆皮炸子雞

第二次到元朗形點" 囍雲軒 " 吃晚飯 , 

上次食過這裡的炆台山蠔 ,

覺得做得唔錯 (稍微鹹少許) 今次又再叫來食 .

茶位 $ 18

脆皮炸子雞半隻 $ 108 

皮下脂肪少雞皮炸得好脆肉又滑 , 

平時我們較少吃雞皮 , 今次破例了 ! 

薑蔥炆台山蠔 ( 桶 8 件 )$ 238 

蠔幾肥美 , 水準跟上次一樣 , 

蠔邊輕輕炸過 ( 脆脆的 ) 

味道跟上次一樣稍微鹹少少 .

西蘭花生煎龍躉斑球 $ 168 

厚厚7件斑塊今回煎得嚡少少 , 味道不錯 .

飯後仍有紅荳沙送 , 紅荳好綿又滑唔太甜 .
 

" 永年車仔麵 "牛筋腩蝦籽撈麵

又去Wetland 商場搵食" 永年車仔麵 "自助麵店 , 

入門先搵位坐下 , 再過收銀處落單立刻付款 , 

返回坐位等叫號碼攞食物 .

店門外貼上通告歡迎攜寵物入內 

牛筋腩蝦籽撈麵配熱檸檬茶 $ 69

撈麵通常都是稍濶的麵 , 整碗食品表面佈滿蝦籽 , 

蝦籽味鮮不錯 , 

牛筋和牛腩炆得夠火候又好味 , 

自選麵 $ 38 

可選二款餸和一款粉麵或米線  

我選幼麵 , 麵沒有鹼水怪味 , 

墨魚丸兩粒有墨魚味 , 口感微爽口不錯 , 

( 我不喜歡那些超彈牙的丸類 )

覺得好似加得太多不明食材所以超彈牙 .

三件魚腐細細件裡面魚肉好腍滑有魚味好食 .

" 海港 "燒鵝

好友每月聚餐都係去海港海鮮酒樓 , 

上次食過長腳蟹好鮮味大家仍回味中 , 

但蟹的膽固醇較高 , 今回停一停食圍餐 . 

燒鵝水準保持得非常好

雜菌菜心

海皇羮

食材 : 蝦肉粒和鮮帶子粒份量不少 , 味道也不錯 .

炸蟹鉗味道一般 

腊味炒芥蘭

鮑魚炆冬菇尚可

蟹粉瑤柱豆苗

蒸蝴蝶班好新鮮 , 肉好滑 .

生炒糯米飯 

爽口好味但有少許生米骨 , 

熱辣辣壽包

飯後甜品紅荳沙和綠豆沙 , 

每樣6碗 , 兩款豆腍滑唔太甜 .

" 雞仔麵 " 花膠濃湯雞米線

Wetland 商場食肆可真多 , 

但久不久店鋪就會來個大翻新 , 

可能位置偏遠環境較靜 , 

顧客大都是該區住客 , 所以生意好一般 , 

每隔一般時間我們就來看看有咩新店開業 , 

今回食 " 雞仔麵 "養生花膠米線專門店 !  

花膠濃湯雞米線 $ 78

花膠湯底好有雞味 

餸 : 切雞下腿雞翼好滑有雞味 ,  

雞胸肉比較嚡少許韌 

兩件算幾厚的花膠 , 

半隻雞蛋有蛋香味 , 

米線份量也不少 .

辣油盛器肥嘟嘟好可愛

柱候牛筋腩飯配熱飲品$ 58

牛筋份量比牛腩多 , 

兩種食材炆得剛好 , 口感唔錯好味 .

內部佈置好面熟 , 

突然想起這店前身係 " 湯加 " 

整體沒有裝修過 , 

衹是換新招牌和食品跟以前不一樣 .

以前食過榴蓮蕃薯覺得好甜軟滑 , 

但很久沒有見了 , 今次再見當然要買 .

啊 ! 我們覺得今次蕃薯甜度爆錶又好滑 , 

口感比上次更軟滑甜糯 , 太甜了 ! 

可能現正值蕃薯盛產所以品質特別甜糯 .

洋蔥乳鴿

簡單快捷快快手就開飯了 ! 

肉片豆腐蕃茄蛋花湯 

腐乳煮白豆角 

洋蔥乳鴿

燒臘店現成紅燒乳鴿 , 

炸過的乳鴿放涼後皮收縮唔靚仔 , 

用洋蔥爆香把乳鴿翻炒熱 , 味道也不錯 .

 

" 湯加 "蟲草花膠魚肚燉雞

一段日子沒有到南昌站上蓋商場遊逛 , 

先到南昌薈商場看看 , 

食肆也不少但大都是見慣見熟那幾間 , 

最底層是現代街市好整潔 , 

除餸菜還有許多水果攤位 , 

我被袋裝猫山王蜜糖柚吸引 , 

包裝密密實實看不到裡面 , 感覺像買盲盒玩兒 ! 

沒有特別想看轉到另一相連的 V Walk 商場 , 

以前幾間食過的食肆已結業 , 另外新食肆進駐了 .

食肆選擇多也是一個難題 , 最後我們到 " 湯加＂

以前也曾食過這裡餸菜頗為啱我們口味 ,

由其果醋豬軟骨我最鍾意食 .

現在推出二人燉湯餐 $ 179 

有二餸一燉湯 , 

二砵蒸飯還有熱飲品 , 看來好抵食 , 

我們還追加炸豆腐 .

喔 , 伏了 ! 

追加包漿豆腐 $ 9 送來四件 

名字令我們誤會以為係爆漿豆腐 , 好失望 ! 

送來樣子乾巴巴難看的炸豆腐 , 

豆腐外面唔脆微實淡而無味 , 

裡面豆腐唔滑 ,

近碟邊有少許幼鹽 , 

相信沒有人能超越這樣的水準了 , 

蟲草花膠魚肚燉雞食材好豐富 , 

兩件花膠兩件魚肚雞味一般 , 

湯超濃稠表面一層厚厚的油 , 

太多油我們一口也不敢嘗試 , 

蒸飯爽口有飯味 .

果醋豬軟骨 

以前我們最愛吃的 , 現在水準往那裡去了 ! 

味道唔酸唔甜 , 豬軟骨唔腍肉超柴又冇味 ,

最特別排骨下面鋪上白菜 , 

菜吸哂排骨的油和汁變得味道怪怪像浸油菜 , 

努力吃了幾件放棄唔食 , 好失望伏了 ! 

麵醬蒸海馬友 

魚好唔新鮮肉實腥得利害 , 

沒有薑衹放麵醬 , 超難食 ! 

熱柚子蜜

上面幾樣食物都屬於伏的 , 

整頓飯最好食係蒸飯 , 衹好說句無餸食飽飯了 .

冷氣不足我本來唔多怕熱 , 今回我竟然熱到接受不了 .

新開的八合里火鍋 , 似乎幾受歡迎 , 

可惜全是我唔多愛吃的牛肉 , 望下當食咗 .

現代街市買的猫山王蜜糖柚 , 回家開來食 , 

無論外型口感味道沒有一點跟包裝相符 , 

跟一般金柚無異 , 又伏了 ! 

哈哈我們都好服自己一天裡全是伏完再伏 !