客家好棧全包宴

今次家庭聚會在尖沙咀某商場內的客家好棧 , 

這座商業大廈已去過很多次 ,
但總是找不着它的商廈名稱 , 衹是寫着彌敦道 26 號 ,
客家好棧現在推出 " 好客情全包宴 1688 元 "
我們六人可以食半圍 988 元 .





菜譜 : 
金沙焗脆皮大蝦
蜜桃海鮮卷
芝蘭如意脆蚌片
木盤扣原隻鮑魚
竹笙海皇燴花膠
欖角柑桔蒸多寶魚
杞子魚滑泡青疏
香蔥上樹雞
鮮菌炆伊麵
客鄉情炒飯
養顏蘆薈芝麻糊
汽水三罐、啤酒一樽

金沙脆皮焗大蝦
整隻蝦蘸上鹹蛋黃再焗 .
但看樣子是炸的 , 因為我唔食蝦0既 , 所以唔敢肯定 . 



蜜桃海鮮卷 



芝蘭如意脆蚌片  ( 一般粗菜 ) 
食材有 : 蜜糖豆、 荷蘭豆、蓮藕片、蚌片
食唔出蚌片鮮味衹是爽口 , 但覺得有些蚌片唔熟的 "  麻麻 "



竹笙海皇燴花膠 
食材頗為豐富 : 竹笙、花膠、魚肉粒、蝦粒味道都算唔錯 .

木盤扣原隻鮑魚 ( 可能半圍冇咁細0既木盤 , 衹用碟上 )
鮑魚炆得幾稔 , 但冇乜鮑魚味 .

杞子魚滑泡青蔬
杞子屬燥補而白菜是涼菜 , 再配上魚滑好像配搭很奇怪 ,
我没有吃過所以不知道它的味道如何 ,
回家後問相公覺得這味餸如何 , 他說衹吃過白菜味道一般 . 



欖角柑桔蒸多寶魚
配菜分佈好怪 , 所有欖角和柑桔 ,
全部都放在魚的尾部 , 這樣魚尾可能會味道過濃
但我衹食過上半部 , 唔知下半部味道如何 ?
以往曾食過很多次多寶魚都是用古法蒸的 ,
但今次用欖角柑桔做配菜 , 好似唔多夾 ,
這條魚肉質很嚡又冇乜魚味 ,
反而欖角夾上柑桔一齊吃 , 又幾好味 ,
( 因為我從未吃過欖角 , 所以特意試下就咁食 )
但我都係覺得古法蒸多寶魚好味得多 .

香蔥上樹雞 
雞剛好放在我面前 , 那我可以研究下它的名字 , 
究竟怎樣上樹呢 ? 至於味道就一般 !

鮮菌炆伊麵

客鄉情炒飯 
顏色較深味道一般 , 但幾香口 .
最後還有養顏蘆薈芝麻糊 , 但忘記影相 ,
芝麻糊通常味道都很香濃 , 但今次全没有芝麻香味 ,
懷疑加咗蘆薈之後 , 所有芝麻香味都被蓋上了 .





飯後感 : 枱很細出菜又非常快 , 食得很狼忙 .
曾通知侍應姐姐稍停一下 , 讓我們可以有時間品嘗餸菜 ,
意見接受行動照舊速速上菜 , 整體上呢餐餸菜屬於麻麻 .