炸豬扒麵

早兩個月前我和相公曾慕名而去 , 

大埔墟街市熟食中心食炸豬扒上海麵 , 
真可惜竟然下午三点多鐘 , 店內食物已全部售罄 , 
我們心有不甘 , 今天差不多二点鐘便到達熟食中心

看到熟食中心內人頭湧湧 , 從未見過如此熱鬧場面 ,
發揮搵食本能 , 速速找炸豬扒上海麵店 .
噢 ! 看到東記上海麵啊 ! 

我冇睇錯吖嘛 ..... 多人到嚇人 !
今次是第二來這裡 , 我們不可以再空口而回的 , 
一於夫婦同心 , 各行各路搵位去也 ....

哈哈哈 ! 都係我叻叻 , 比我搵到兩個位 .
坐落想搵位姐姐寫單 , 等咗十分鐘都冇人應酬我倆 , 

終於相公親自出馬到舖前寫單 .
等呀 ..... 等到肚仔打鼓 , 冇法了太多單要做 , 

我唯有到其他店看看 , 有乜啱相公食的 , 

買少少回來 , 比相公食住先 ,  
釗記潮州打冷有點心賣 , 求其買碟雞扎 .

雞扎

等咗超過半小時 , 麵出現了 ! 

吓 ! 乜菜肉雲吞麵咁樣0既  , 明明呢間係上海麵店嚟0架 , 

點解咁似廣東雲吞麵0既 , 相公話落單嗰時 , 

寫單姐姐曾問佢要乜嘢麵 , 相公答話幼麵 , 
原來這裡的幼麵即是生麵 , 真係諗佢唔到囉 !
菜肉雲吞和麵都幾鹹 , 好彩我地隨身帶了蒸餾水 , 

把它溝稀碗麵才食得落 , 傳聞話食得太鹹會傷腎0架 !

見到每枱客都係食炸豬扒和炸雞翼 ,
一定係此店的拿手好餸 , 我地又跟 .
炸豬扒和麵分開上 , 豬扒都好香口又脆 ,
而且知佢日日都售罄自然係好新鮮 , 唔錯 ! 

麵都係好鹹要溝蒸餾水 , 但都係生麵九吾搭八0既  .