強差人意晚餐

今日開始適應到寒冷天氣 , 

又可以出省周圍 hea  , 趁着聖誕將臨到各個商場睇佈置 , 

看罷肚子都開始餓去搵食 .

我和相公的煲仔飯癮又起 , 記得去年冬天曾在太子道 , 

附近有間煲仔飯非常好味 , 於是到那區周圍搵 , 

左騰右騰行到腳軟都找不着 , 最後發覺該店已結業 , 

改做其他生意 , 算了吧 ! 

反正旺角區食肆多得很 , 行行重行行看到 "  第一腸粉 " 

印象幾日前看到有關這店的腸粉剛得到米芝蓮奬 , 

我們都過去趁熱鬧 ! 

嘩食腸粉都咁多人排隊等位 ! 裡面坐位很少又窄 , 

算喇咁啱見到 , 等就等喇 ! 

等了十幾分鐘 , 相公已很不耐煩話 , 

看到左面舖有煲仔飯 , 右面舖有蛇羹 , 

兩樣食物佢都想食 , 我很不情願地跟着他行過隔離 . 

( 等咗十幾分鐘 , 早啲講嘛 )

點喜來點心專門店位於是樓上舖 , 地下都有兩三張枱 , 

但我們被接待員招呼到樓上 , 要行兩層樓梯才正式到達 . 

這裡全日都是飲茶食點心的 , 

環顧周圍環境小貓三數隻 , 靜得嚇人 , 

可能晚飯時間食點心的人不多 , 

看到這種環境都係求其叫一些食物 , 再到其他地方食過 . 

點心紙同一般酒樓冇分別 , 但有些食物晚上沒有供應 ,

 我們叫了四樣食物 , 其中一樣晚上冇得供應 , 

本來再試圖搵其他點心 , 但都覺得有來的食物好一般 , 

情願到外面再食過 .

點心紙影出來的麻蓉包, 

入面的麻蓉饀流哂出來好吸引 , 

我地呢幾個包 , 一啲都食唔出係麻蓉 , 

根本感覺唔到佢係乜嘢饀  "  差 "

 

離開點心專門店 , 我們再到樓下右面的蛇王兄食蛇羹 ,
唉 .... 今日我們真係冇乜食神 , 又係食得唔太滿意 .

我唔太喜歡食蛇羹 , 叫咗一碗蛇羹和一碗臘腸糯米飯 

糯米飯一般臘腸超鹹 , 蛇羹我衹食了少許 , 

已覺得煮得唔好 , 蛇肉切得好粗條而且重好韌 , 

蛇羹埋茨一嚿嚿唔均勻又冇乜味 . 

今日兩間食肆都好麻麻 .