" 冷冷 " 出街食 & 合唱團

天文台預側今日天氣相當清涼 , 果然非常準確整天北風呼呼 ,
愈接近旁晚就愈大風又凍 , 今晚又唔煮飯 ,
因為相公話咁凍最啱食煲仔飯 , 我都唔識煮0既 ,
我們便到會所食好了 , 食完飯到廣場睇免費節目 .

 臘腸滑雞煲仔飯

豬扒蒜茸汁跟飯

凍朱古力和熱檸檬茶 

食飽到廣場睇表演 , 已開始了 , 

人唔太多因為今晚太大風又超凍 , 

我和相公本來諗着看一陣便離開 , 

睇睇下全部欣賞哂整個表演 , 因為歌唱得很好聽 . 

本來場內早已排好座椅給觀眾坐着欣賞唱歌 , 

但坐着比企立還要凍 , 所以我們情願企下行下冇咁凍 , 

大概我們企在廣場內差不多一個半小時 , 對腳凍到硬咗 , 

表演者應該比我們還要凍許多 , 他們衣服很單薄哩 ! 

雖然大風又凍 , 但並没有影響他們的歌聲 ,

司儀介紹過這合唱團成員 , 全部都是業餘的 . 

 表演歌曲有些是頗為大眾熟識的 , 

如獅子山下 , 聖誕歌和最多人唱的愛是不保留等 . 

 紅色衫觀眾也加入一齊唱歌 .