週日搵食艱難

假期所有食肆大都要等位 , 

心諗遲些才去食可能會少 d 人 , 

等到過了食晏時間才落街 , 

但仍是左騰騰右騰騰最後都係幫襯麥叔叔 . 

麥叔叔都係超多人 , 由其是最多強國人 , 

他們帶來的小孩子食完包包 , 百無了賴在店裡周圍走 , 

經常在我身邊跌跌撞撞好煩 ! 我們食完包包速速離開 . 

 商場請了成團洋人青少年表演音樂 , 

觀眾席上都係洋人青少年 , 

我們找不到有利位置 , 便要更上一層樓 .

晚餐時份我們到大開心食嘢 , 很久沒有幫襯了 , 

我食豉汁排骨蒸飯配老火湯 , 

相公又係同牛有仇 , 咖喱牛魔王 . 

豉汁排骨蒸飯配老火湯

喔 ......... 超難食 !

很懷疑這些蒸飯是午餐賣剩的 , 飯微微暖都已經很難食 , 

最差是米飯混有些麥粒 , 如果飯夠熱當然是健康之選 , 

但飯微微暖那些麥粒硬硬地好似未煮熟 , 

豉汁排骨有三大二小件 , 小的冇肉 , 

大的好似未夠熟 , 味同嚼蠟 ,

老火湯是合掌瓜薏米豬肉湯 , 淡如開水 . 

咖喱牛魔王 , 相公又係嗰句 " 好食 " 

蒸飯超難食 , 衹吃少許便放棄 , 

平時很少買聖記蛋糕 , 今次都要破例買幾件回家吃 .