無奈

人生在世總是有很多無奈 , 但總要接受的事 , 

諸如簡單地寫篇網誌都變得愈來愈複雜 , 而且非常累贅 , 

從年頭開始衹收到少量blog 友回應電郵通知 , 

但自己回覆 blog 友所有電郵通知 , 

就全部收到 , 好攪笑啊 ! 

load 相總是亂作一團 , 而且行動慢如蝸牛

寫一篇網誌總要花上好幾小時 , 

今天相片更加進步到排位都出現問題 , 

又要多花上半小時才完成 , 

唉 ..... 繼續這樣 , 我可以堅持幾耐呢 ?

前院 ( 我諗係) 馬蹄蘭正含苞待放 .

草地上的黃色小花開得好燦爛 .

行人路旁的草地也是黃小花生長的好地方 . 

當沉醉在青草芳香之際 , 

 身後突然飊出幾輛腳踏車

定過神來看看來者何方人士 , 國內人是也 , 

其實這裡也有規定腳踏車駕駛者除了要戴頭盔外 , 

還有不可以在行人路上行駛的 .

這裡的生活愈來愈被某些國內人改變了.

今日我到超市購物正在付款之際 , 

突然一聲超高音的普通話問收銀員一些貨品放在那裡 , 

收銀員答完她的問題 , 這位操普通話的女仕 , 

一手就把她拿著的幾袋東西隨手掉到收銀員枱上 , 

當時我還未結賬完成 , 但她已經放貨物在枱上霸位 , 

跟住走開再繼續找她想要的貨品 , 真奇怪怎麼可以這樣做呢 ? 

如果跟住有其他人付款 , 咁如何處置她的貨品呢 ?

收銀員很無奈又勞氣地說 : 

呢位女仕如果在洋人超市睇下佢敢唔敢咁做吖 ? 

咁即是明欺負自己黃皮膚的人喇 ( 我諗收銀員是這個意思 )

我答 : 亞洲人通常都冇洋人咁守規矩 .

收銀員立刻糾正地說 : No No No , 亞洲人唔會咁做的 .

喔 , 國內人 ? . 

收銀員立刻做出答中遊戲問題一樣 Yes ... 

立時間我和收銀員一齊縮縮肩膀相對無奈地笑了 .

今日在舊式唐人麵包舖買了三款老媽子喜愛的甜點回家 , 

白糖糕但老媽子話係倫教糕 , 芝麻糕和馬拉糕 .

另外這碟很醜陋0既餸係蒸龍躉魚 , 

都係老媽子的至愛嚟0架 , 

上星期都買過一次蒸到過哂火 , 

今次買魚曾問過魚販要蒸幾耐時間 , 

他說6分鐘但我懷疑唔熟 , 

蒸了8 分鐘 , 嗚嗚 ... 我錯了 . 

呢度的龍躉魚跟香港的龍躉好唔相同 , 

香港的生劏龍躉超超超大條 , 

這裡都係生劏但就小巫見大巫 , 

體積大概同大鯇魚差不多的 . 

每磅$ 7.79 .