The One 利寶閣飯局

一家人相約到尖沙咀 The One 21 樓的利家閣吃晚飯 , 

到達目的正值晚飯時間 , 但衹看見四枱客正在晚飯 , 

環境清靜得很 , 我們被安排坐在落地大玻璃旁 , 

窗外的建築物燈光璀璨 , 很美 ! 

餐具也不錯 , 配上銀色盛熱開水的壼也算和諧 . 

盛茶葉茶的壼 , 壼咀設計也不錯 , 

倒茶沒有像普通茶壼般 , 傾茶之時易弄濕枱布 .

可人兒好幾個月冇見 , 有少許怕羞添 . 

炸花生稔稔地唔好食0既 .

我們五大一小 , 叫了一個晚市孖寶 , 

包括一條14兩的清蒸燕星班和半隻炸子雞 ,

天氣熱叫了一窩泡飯 , 擔心唔夠飽另外叫了2碗白飯 .

例湯青紅蘿白豬肉章魚湯 .

例湯味道濃郁不錯 .

炸子雞平時我唔食雞皮的 , 

今次看到雞皮樣子薄薄很脆 ,

 我也破例吃了 , 皮脆肉滑好好味 .

美味欖角骨賣相烏卒卒 , 

其貌不揚但味道調配得好好 , 最弊肉質好韌 , 

62 年紀大牙力唔夠 , 食來食都未食哂件排骨 .

雪菜蝦仁扒豆腐 , 覺得似蒸豆腐 , 

每件豆腐放上大大隻蝦 , 

最特別排頭位的是隻炸得很梗的大蝦 .

清蒸燕星班   

胡椒焗中蝦 , 可人兒和我都唔食 , 

他們剛夠分 , 相公話鮮甜微辣好味 .

豉辣炒羅文菜 , 還以為是什麼新菜 ,

原來是外國生菜 .

餸菜已吃得七七八八 , 白飯也吃完 , 

但不知為何我們的泡飯總是沒有出現 .

經過多番催促才把配泡飯的炸米仔送來 , 

冇泡飯唔通就咁食咩 ?

又要再催才把泡飯送上 , 

食材很豐富有 : 蝦粒、帶子粒、冬菇和蕃茄等好鮮味 , 

再加上脆脆地的炸米仔更加好味 , 

等咁耐才送來總算沒有令我們失望 .

開始跟可人兒混熟少許了 , 

她正在唱歌仔給我們聽 , 有點怕羞唱得細細聲 .

可人兒正把弄著自己的筷子 , 不時做些動作出來 , 

起初我唔明筷子代表什麼 , 後來都係佢爸爸最明白 , 

原來她有看無記最近大熱的飛機師劇集 , 

筷子就係飛機 , 不時在空中飛來飛去 , 

飛機的魅力真是沒法擋 , 連幾歲的小女孩也迷上了 .

飯後送甜品兩款 , 紅豆沙和桂圓紅棗甜湯 .

仍沉醉著她的飛機玩意 .