譽宴 VS 上海婆婆

好嘈啊 ! 樓下隔兩層樓正在裝修 , 

拆東西聲音此起彼落 , 震耳欲聾頭也痛起來 , 

速速離開到街上避避 , 

天氣那麼熱走在街上也不好受 , 

我和相公二話不說跳上巴士遊車河去 , 

很久沒有到宫塘 APM , 到達商場先去食晏 , 

今次幫襯譽宴酒樓 , 貪飲茶可以坐得耐歎冷氣 , 

下午茶已開始 , 內部裝修都算唔錯 . 

牆上的燈久不久轉換顏色

牆上的燈久不久會變換顏色 , 

肚餓了 ! 唔好睇住叫點心先 : 

牛肉腸粉、薑汁雞包仔、鮮竹卷、

時菜鯪魚球和冬菇雞飯 .

腸粉好滑 , 

用這些碟好似好多 , 

其實衹得兩條腸粉分切開 . 

薑汁雞包仔 

輕飄飄食完個包 , 都唔知去咗邊處 .

鮮竹卷好鹹

時菜鯪魚球 , 時菜差啲睇唔到係咩菜  , 

因為實在太細小 ,食才知佢係黃芽白 , 

鯪魚球食材有異於其他酒樓 , 

整個鯪魚球很鬆軟稔稔的 , 裡面有 : 

臘肉 , 臘腸 , 蝦米和蔥粒 , 還有超多骨 , 

哎呀 ! 我地好怕骨0既 , 食到天一半地一半 .

北菇雞飯味道唔錯 .

食完嘢行 APM , 冇咩嘢睇 ,

搭港鐵到德福廣場逛下 , 好熱鬧啊 ! 

逛完再順道行埋淘大商場 , 

晚飯到上海婆婆食嘢 . 

我們 六點半到達上海婆婆 , 

衹得三數枱客 , 座位任擇 , 

但過多十幾分鐘 , 所有座位差不多坐咗人 . 

炸脆鱔好鬆脆甜甜地好味道 , 

相公話好似食緊炸魚皮 , 好油膩食唔哂 .   

排骨湯麵 , 碗麵得兩住麵 .

菜肉雲吞一般 , 

可能食咗炸脆鱔覺得好油膩 , 

好彩冇叫包包 , 如果唔係一定食唔哂 .