我和相公食嘢口味絕不相同 ,
他最愛吃羊肉但我就非常麻麻 ,
除了嫌羊肉羶外更加覺得煮這款餸很麻煩 ,
處理完羊肉周圍肥騰騰 ,
煮的時候整個廚房充斥著羊的羶味 ,
所以盡量到外面食肆吃 .
中午飲完茶經過 " 大棧 " 入去八八 ,
噢 ... 相公發現這裡有紐西蘭羊腩 ,
他兩眼流露想吃的眼光 .
唉 .... 早知唔入去八喇 , 一包一磅好似少啲喎 ,
而且買兩包抵些 , 算吧 ! 兩磅好了 .
羊肉用韓國麵豉醬炆 , 配料有馬蹄 , 支竹和生菜 .
我對羊肉興趣不大 , 衹吃配料 .
買一味啱我自己吃的番茄煮罐頭黃豆 .
飲茶食來食去都係嗰幾款 ,
希望好快就輪到吃我的至愛包包 .
我同妳一樣至怕羊肉羶
回覆刪除真喺想嘔架！
佩服妳，
自己唔食，仲整埋俾好老公食，真好！
羊肉炆的時候發出陣陣羊羶味 , 頭髮和衣服吸了好難聞的 , 怕怕 .
刪除哈哈所以我都好少煮 .
小雲都好怕煮複雜餸菜, 所以大多數煮簡單的! 至於複雜的會在街外吃!~
回覆刪除我都係呀 !
刪除復雜餸到外面吃就非常好呀 !
我唔怕羊肉羶味,但係因為唔知煮乜好,好少買.
回覆刪除我都係唔知配乜食材的 , 想起酒樓有支竹馬蹄就落埋去炆咋 , 本來我記得應該有冬菇但我怕冬菇吸入羊油太肥膩所以唔落 lu .
刪除我唔怕羊肉羶味, 但無特別話愛食羊肉, 而羊腩煲我就多吃煲中的支竹, 冬筍 !! 入晒味
回覆刪除我諗你唔怕羶 , 一定覺得羊肉好香嘞 , 因為我相公都係唔怕羶仲話香的 .
刪除我多數食馬蹄爽口又甜 .
羊肉羶味係肥油度最羶!
回覆刪除喔原來羶味來自肥油 , 噢 , 這種紐西蘭羊腩皮下係有一層薄薄的肥油的 , 哎呀真係幾羶 .
刪除Ak,
回覆刪除-雖然你唔食羊肉, 但肯整. 你都顧及相公感受
-我鍾意食羊肉㗎! 但自己怕煩, 都係出街食多
Vicky ,
刪除哈哈其實我對其他肉類興趣都不大 , 平時煮肉大部份都係相公吃的 , 今次看見他咁想吃 , 所以都勉為其難煮了 .
處理羊肉都係幾煩的 , 都係出街食比較好了 ,
香港咁凍, 吃完羊腩煲暖笠笠喇! 謝謝分享美好的事物, 週日愉快啊!
回覆刪除係喇香港呢幾日都幾凍 , 吃羊肉暖笠笠我就體驗唔到了 , 哈哈因為我唔鍾意食的 .
刪除謝謝妳來探我 ! 週日愉快 !
番茄煮罐頭黃豆不錯呢！ 但可惜我這裡沒有X蜜味的罐頭黃豆賣：
回覆刪除簡單快捷又送得飯 , 冇X蜜味試下其他牌子 , 可能都唔錯的 .
刪除