強差人意的麵館

看完 " 圓方 " 商場裡的雪景模型和火車模型展覽 , 

已差不多黃昏 6 點鐘 , 係時候覓食了 , 

我和相公選擇到 " 夏麵館 " 吃晚餐 , 

早幾年我久不久都會幫襯這間連鎖食物館 , 

曾分別吃過唔同地區的分店 , 

覺得他們的食物水準參差不齊 , 

呢兩年都沒有去吃過晚餐 , 

" 圓方 " 商場裡也有 " 夏麵館 " 

心諗可能這間會好些吧 ! 

但好失望 . 

侍應員把手上的食物隨手放在我們的枱上 ,  

口中說 : 韭菜鱔糊兩面黃 ,

喔 ...... 我有冇睇錯呀 , 

這碟食物好像比人撩撥過的樣子 , 很倒胃啊 ! 

我跟侍應員說 : 這碟麵是否曾送到其他枱的嗎 ? 

他說 : 剛從廚房攞嚟0架 , 

如果你覺得難看 , 我攞入去幫你問下廚房喇 .

( 唔駛問廚房都知答案囉 .)

唉 ..... 我諗廚房都衹會隨手撥返好少少便算交差 ,

算了吧 , 我們衹好吃另外一面 ,  ,

深色的醬油把整碟食物混成深啡色 , 

食物微暖 , 鱔條稔席席全沒有鱔味 ,

吃第一口麵條覺得很脆 , 好像炸得好透徹 , 

但吃多兩口開始覺得麵條吸哂碟裡的汁變得好油膩 . 

送來衹是微暖扁扁的小籠包 , 

皮稍厚包著細細粒冇乜肉味的肉丸 , 裡面全沒有肉汁 , 

我從未吃過沒有肉汁的小籠包 , 今回真是大開眼界 . 

 唉 ... 心諗前面兩款食物咁差勁 , 

呢款蘿白絲酥餅 , 唔好有期望了 , 

喔 ... 熱辣辣啊 ! 

外皮很酥脆 , 裡面的蘿白絲很燙嘴又好味 . 

 酸辣湯雲吞唔夠酸又唔夠辣 , 

還有最差係唔夠熱 , 裡面的肉丸都係冇乜肉味的 . 

 津白羊肉湯水餃都係唔夠熱 , 

羊肉饀沒有羶味 , 吃完唔夠 10 分鐘已開始感到口渴 , 

本來想叫甜品 , 但看到幾款食物都麻麻 , 都係唔好冒險了 .