狼忙晚餐

昨晚和相公家人到 " 潮廷滙 " 吃團購套餐 , 

主題是 " 響螺燕窩鮑魚套餐 "

酒樓位於尖沙咀美麗華商場內 , 

套餐並非用一般酒樓上菜方式 , 

而是按個別人客從特定菜單中選餸菜再分開送上 , 

本來構思也不錯 , 但酒樓並沒有跟菜單的排列送來 , 

而係把食物一批批流水作業式 , 

從廚房用手推車分別送到每張枱 , 

送來大量一碟碟的餸菜吃得較為狼忙 , 

混亂中連自己選了什麼食物都忘了 , 

而且食物分別送到每張枱所費雖時 , 

食物自然放涼 , 味道大打折扣 , 

雖然吃得狼忙 , 但總算試過這樣有趣的自選套餐 . 

酒樓佈置清清地也不錯

 我們一行七人 , 

食物唔太啱年紀少的可人兒 , 

所以衹定六位 , 再叫一客湯米粉給可人兒吃 .

飲品5杯熱雪梨茶很滋潤 , 正配合現在乾燥的天氣 , 味道不錯 , 

我心中不停想著回家也煲來飲 , 

呵呵 .... 食完飯離開之際突然看見近門口處擺放了一些飲品 , 

哎唷 , 乜那些味道不錯的雪梨茶 , 

竟然是某牌子膠樽現成飲品 , 

哈哈我仲以為係酒樓自己制作添 . 

可人兒對大人筷子感興趣 , 唔用自己私家筷子了 . 

 法式芝士焗響螺

薯茸和芝士混合了螺肉粒 , 

把螺殼釀得滿滿的 , 

我愛吃薯茸和芝士所以覺得味道不錯 , 

如果夠熱的話更佳 . 

 蟲草花磯酒冷鮑魚 , 

我忘了問吃過這款食物的家人 , 味道如何 ?

 南非鮑魚伴山珍菰

除了疑似秀珍菰外還有幾片椰菜伴碟 , 

鮑魚要多花牙力咬 , 調味汁幾濃 . 

 腊味糯米飯

素來少有吃糯米飯 , 因為相公唔太愛吃 , 

所以每當遇上了 , 我必大嚼起來 , 

雖然腊味粒粒很少又唔夠熱 , 

但我都覺得味道也不錯 , 

哈哈因為太少機會吃了 . 

 濃湯菜膽排翅

白菜墊底還有少量菰粒 , 

我素來愛吃蔬菜 , 所以覺得幾啱我口味 . 

 特別另叫給可人兒吃的上湯米粉 ,

除了幾棵菜心還有少量金腿茸 , 

我沒有吃 , 味道不得而知 .

 珊瑚蝦球煎拱麵 

62 愛吃啖啖肉和蝦 , 

這款食物相信都很合他合味吧 ! 

相公也同樣叫了這款 , 他說蝦大概是雪的不太鮮甜 , 

我試了少許拱麵 , 幼幼米粉炸得脆脆的 , 

調味汁有點像蛋黃醬混合其他調味料 . 

 蜜椒金薯一口牛柳

看不到 " 椒 " 金薯是薯仔 , 味道偏淡 , 

相公話牛柳很稔 , 少許牛肉味 .

 燒汁季豆鰈魚扒

煎得很香的比目魚扒 , 燒汁味濃不錯的配搭 .

 老干媽豉汁象蚌仁

以前曾吃過老干媽煮過的餸 , 

已領教過它的辣味 , 所以沒有試吃 .

 可人兒飲橙汁飲得好滋味 , 

面前的米粉似乎被橙汁比下去了 . 

 乳豆湯海皇什菜煲

食材有蝦仁 , 蟹柳 , 帶子 , 菰粒和白菜仔 , 味道可以 .

 馬拉盞銀魚乾炒 A 菜 

A 菜名稱第一次聽 , 

以為是新出產原來係油麥菜 , 

濃濃醬料微辣 .

 紅棗冰糖燉雪耳 

蘆薈凍珍珠露

杞子桂花糕

鮮奶馬豆糕 

幾款甜品唔太甜 , 味道一般 . 

廣島蠔肉碎粥

 我愛吃蔬菜今次套餐蔬菜不少 , 啱哂我口味 , 

但 62 就 ..... 他悄悄地說今餐較多菜 , 

因為他鍾意啖啖肉嘛 !