又開年

本來大年初二已在家中開年 , 昨日又開年 , 

今次是約了相公家人到又一城的 " 翰騰閣 " 吃開年飯 , 

很久沒有遊逛又一城商場 , 本想早點到這裡周圍看看 , 

但帶著 62 怕他辛苦 , 所以差不多到約定時間才到達 .

 商場裡的新年佈置

菜牌上的餸菜款式唔太多 , 

而且覺得餸菜較迎合遊客 .

今次餸菜有 : 

蒸老虎班

 脆皮三黃雞 ( 半隻 )

豉油皇煎焗泰國大虎蝦

鹵水五式拼盆

砂鍋葱爆野菌牛仔肉

蒜子枝竹豆腐火腩煲

海皇魚湯泡飯

金瑤鮮蟹肉扒青蔬

鮮果椰汁糕

香芒雪花卷

大良燉鮮奶

白飯兩碗

 鹵水五式拼盆 

菜牌上有兩款五式拼盆 , 我們想吃燻蹄 , 

所以特意跟侍應姐姐講明要有燻蹄嗰款 ,

喔 ... 乜冇燻蹄0既 , 請侍應姐姐過來 , 她起初說冇燻蹄嘛 ,

但她說菜牌上另外一款餸 " 海蜇燻蹄 " 就有 ? 真怪 ! 

我們衹想吃燻蹄 , 算吧 ! 請侍應姐姐跟廚房說說 , 

可否把拼盆裡的豆腐或鵝翼求其一樣換成燻蹄 .

擾攘一輪終於送回來的五式拼盆 , 

鵝翼飛走了 , 換來燻蹄 .

 豉油皇煎焗泰國大虎蝦

菜牌圖樣有六隻大蝦 , 實則得五隻蝦 ,

好彩我和可人兒都唔食蝦 , 剛好夠分 , 

相公話蝦肉幾鮮甜好味 .

  呵呵 ! 咁快想高過媽咪 ?

 砂鍋蔥爆野菌牛仔肉

我唔食牛0既 , 唔知味道如何 , 

相公話幾好味0架 ! 

 蒜子枝竹豆腐火腩煲味道不錯 ,

豆腐滑滑的 , 火腩肉較韌 .

 脆皮三黃雞

皮炸得脆脆又薄 , 肉味一般 .

 老虎班大概一斤重 , 蒸得剛熟幾滑 .

 海皇魚湯泡飯

食材有蟹肉 , 蝦 , 帶子 , 魷魚 , 魚 , 紅蘿白 , 介蘭莖等 ,

我們另加兩碗白飯 , 我把白飯加到泡飯中 , 味道不錯 .

 金瑤鮮蟹肉扒青蔬

菜牌上的青蔬大概是白菜仔 , 我們轉用豆苗 , 但要加 $ 20 

 蟹肉混了很多蛋白我沒有吃 , 所以唔知是否鮮蟹肉 , 

我衹吃豆苗 , 很嫩滑味道一般 ,

 飯後甜品

香芒雪花卷 , 

相公吃過這款甜點 , 他說卷上的椰絲頗香 , 

但不及饀裡的濃濃芒果香味 , 

鮮果椰汁糕 , 

白雪雪沒有任何加添食材 , 略嫌椰汁味太淡 .

 62 唔吃凍甜點 , 

叫了大良燉鮮奶給他 , 所以不知味道如何 .