婦女節

一年一度的三八婦女節又來了 , 

每逢呢一日我都會放假一天 , 

因為婦女節嘛 , 想起來真係有少許傷感 , 

每年的乜節物節傳媒都會提下 , 

唯獨是婦女節 ...... 就隻字不提0既 .

好彩相公都記得婦女節 , 

早一日話婦女節唔好煮飯到外面吃 .

婦女節剛好遇上星期日 , 

怕人多搵食近近地到客家好棧吃 .

食完飯輕輕鬆鬆散步回家  

飯店裡超多人 , 環境很嘈 , 

趕快落單吃完速速離開 .

我們叫了二人套餐 

先來兩客雞燉翅羣湯 , 味道濃郁唔錯 .

 黃魚膠海味什菜煲

這味餸食材有蝦干 , 黃魚膠 , 菇類和粉絲

還有很多種蔬菜 , 本來啱哂我 , 

可惜所有菜煮得太耐了 , 

黃琴琴稔蓆蓆 , 令人食慾大打節扣 .

 清蒸多寶魚幾新鮮味道一般 

 東江雙丸豆腐煲

雙丸係豬肉丸幾爽口

魚丸很多細小幼骨 , 麻麻 .

其他食材有滑滑豆腐 , 

菇類和黃琴琴稔稔蓆蓆的蔬菜 , 

整煲食物除了豬肉丸有味外 , 其他都淡而無味 .

當我把一小匙杏仁露放近嘴邊 , 

就立刻聞到一股怪怪的氣味 , 

輕嘗一口甜味適中 , 

但氣味怪得很少吃為佳 , 放棄 ! 

芝麻糊相公吃過味道不錯 .