北京老家農家菜( 家聚 )

前幾日約了相公家人一起到尖沙咀吃晚飯 ,

目的地是北京老家農家菜館 , 

位處樓上地下入口細細很容易走漏眼 , 

我們一行六大一小朋友乘升降機上樓 , 升降機很舊式 , 

呵呵 ... 行走當中感到好似有點負荷過重 ,

到達二樓跟接待員報上名來 , 他叫我們要更上一層樓 ,

為免升降機吃力 , 我和相公行樓梯上去 ,

舊式大廈樓梯稍窄幾整潔 .

上到三樓剛好和家人同步到達 , 

升降機的門關上 , 門上的畫可美化一下 , 構思不錯 .

 茶具有不同公仔 , 前菜小食一小碗 , 

微辣青瓜、蓮藕和紅蘿白 , 唔啱食 .

茶每枱都係玄米茶 .　

菜譜寫上京菜、農家菜和京式銅火鍋 ,

第一次來這裡 , 試些不同的菜吧 !

等食期間看看這裡的佈置 .

 我們被安排到房裡 , 

這裡衹有一張 10 人枱和一張 8人枱 ,

我們 8 人枱細不可用餸菜轉盆 , 出菜稍快顯得很擠逼 .

地上每個地磚都是古錢 , 很怪耶 ! 　

 房間佈置有點過多 ,  

而且這裡似乎幾支持環保沒有開冷氣衹開一隻窗 ,

空氣唔太流通有點焗悶 , 燈光又昏暗 .

 牆上的畫

 新房畫好似跟其他佈置唔太配似的 . 

 看罷房內佈置還沒有菜送來 , 

到大堂看看其他佈置 , 大堂較多細枱 ,

 有些枱面中間位置開了個大洞放上一缸金魚 .

可惜枱已有客人所以沒有影下來 .

 有餸來了 !

秘制蒜腸伴上醬油 , 

腸衣脆脆不用蘸醬油已覺偏鹹 ,

吃不出蒜味 .

 草綑牛骨本來係辣 , 

但老爺唔食得辣 , 衹好走辣 .

看樣子好似係廣東的牛坑腩炆稔去掉牛骨 ,

肉炆得幾稔 , 汁好濃但食唔出牛的味來 , 

 宮爆大蝦同樣走辣 ,

脆粉漿包著蝦炸 , 樣子已失分 , 我沒有吃 , 

相公話蝦冇咩味似雪藏品 , 又細隻 , 

衹有微酸 , 味道一般 .

 鹽爆管廷

名字幾特別 , 管廷原來係豬的喉管 ,

配上大蒜和其他什菜 .

 管廷切成連貫的幼條好似燈籠 , 

好爽口沒有特別味道 ,

每隻豬衹得短短一段試下都無妨 .

 紅燒豆腐味道一般

食材有薄薄的腩肉片、冬菇片和幾條小棠菜 .

 炒刀削麵

覺得好似食緊乾炒河 , 

配料有椰菜和少量豬肉絲 , 

刀削麵幾稔滑冇廣東河粉咁爽口 ,

味道唔錯 .

 小籠包

饀內冇汁味道一般 .

 酸菜魚

桂花魚片味淡 , 

配菜有芽菜鹹酸菜、薯粉絲和香菜 ,

味道好酸而且麻辣 .

 燴炒手撕椰菜

 紅油抄手味道一般 .

 烤羊腿未送來前隔離枱叫了鐵板羊肉 , 

行過我身邊 , 嘩 ...... 羶味洋溢 , 

噢 ........ 超難接受 ,

好彩呢款羊腿衹有孜然粉沒有羊肉味 .

 上湯地瓜苗 ( 蕃薯苗 ) 

配菜有菇菇 , 味道唔錯 .

 最後試埋拔絲士多啤梨 .