提早冬節

每年冬至大都在 12月22 日好易記 , 

但今年提早了一天 , 夫家做節通常都會提早做 ,

前天我們一家人到奧海城糖心軒吃晚飯 .

佈置一般沒有特別花巧 ,

菜譜上註明沒有味精 , 所以食物較清淡 .

這裡六人以上每位消費$ 300 就送雞湯燉花膠 ,

我們一家七口 , 小朋友好多食物都唔食的 ,

所以跟侍應員要求可否當六位計 ,

果然冇問題 , 所以今次有免費湯飲 .

 雞湯燉花膠

我諗住免費嘢不要有期望 , 

喔 .... 花膠雖然係平價品但幾多 , 

濃雞湯和花膠味道配合得很好 , 不錯 .

 魚湯浸魚滑時蔬

菜心煮得太稔沒有菜味 ,

魚滑同樣都係太稔欠魚味 .

 蠔油鮑魚六隻 , 分別送到每位前面 ,

鮑魚是38頭中東鮑魚 , 稔度適中有鮑魚味 .

 鮑汁海參炆豆腐

清清地衹有海參 , 冬菇和滑滑微炸過的豆腐 ,

海參爽口又不會太硬 , 

整碟餸味道清淡得來幾啱口味 .

 薑蔥焗桶蠔

蠔好肥美衹有五隻 , 有一位沒得吃了 ,

以前在家久不久都買桶蠔回家炮制 , 

早兩年買幾次品質都強差人意 , 所以唔買 ,

今次吃到這樣的品質真不錯啊 ! 

 雞湯魚唇泡飯一鍋分七碗 ,

湯裡除了魚唇 , 香菜 , 

紅蘿白粒外還有脆脆香口的炸米仔 ,

魚湯味唔太濃很好味 .

 泡飯較稀我們多叫兩碗白飯 .

 生抽皇中蝦 

我沒有吃衹看蝦樣子好似幾新鮮 ,

相公話蝦很新鮮 , 肉質爽口鮮甜美味 .

這間酒樓出菜時快時慢 , 

我們吃哂所有飯餸 , 

催促多次差不多十幾二十分鐘才送來的古法羊腩煲 .

 另上已焯熟的生菜和支竹 

每間食肆都話自家羊腩煲是古法 , 

怎樣才是古法 ? 

以前吃過的古法羊腩煲食材大都是 : 

馬蹄 , 冬菇 , 支竹 , 笋和薑蔥再加上南乳炆 , 

今回的古法羊腩沒有南乳其他食材大至相同 ,

賣相有如清湯牛腩 , 

沒有南乳味道好清而且未能帶出羊腩特有香味 ,

羊肉炆得好稔沒有羊羶味 , 

不過試試這樣制法也不錯的 .

 食完羊腩煲又要催好多次 , 

等了十幾二十分鐘才姍姍來遲的清蒸老虎班 ,

味道一般頗為新鮮 .

 飯後送甜品 , 本來有蕃薯糖水和綠豆沙 ,

可能等最後兩款餸太耐了 ,

蕃薯糖水已送哂衹有綠豆沙 ,

綠豆沙有臭草太稀微甜 , 算過得去喇 .