陶源酒家團年

轉眼一年將盡 , 好快就農曆新年 ,

我們一家人齊到奧海城陶源酒家提早吃團年飯 , 

我們7點鐘到達目的地 , 

剛坐下來相公便說這裡冷清清衹得幾枱客 ,

順眼看看果真清靜得很 , 

立刻聯想酒樓冷清大概衹有幾種原因 ,

餸菜麻麻與價錢不相符 , 

招呼不周或位置唔就腳 ,

呵呵不敢寄與厚望了 .

我們預定 " 發財開運宴 " 半席 , 

星期一至五推廣價 $ 1980 .

添運小金豬

名符其實小金豬 , 體型很細 ,

皮脆肉滑 , 我們合家都讚賞 ,

第一款餸制作已不錯 , 

心裡暗以為其他餸相信都有水準 .

 原隻鮮鮑伴玉掌

 半圍六隻鮮鮑 , 可人兒唔食 , 

我們六大人每人一隻 ,

鮮鮑要花點牙力 , 少許鮑魚味 , 

汁調配適中 , 鵝掌夠稔炆得入味 .

 極品花膠濃雞湯和高湯美國龍蝦伊麵 

湯的食材衹有雞和花膠 , 

花膠唔算薄 , 湯味太濃近乎鹹要加白開水混和 .

龍蝦伊麵

龍蝦唔太新鮮 , 肉很少又削 , 

每件龍蝦都蘸上厚漿炸 ,

伊麵没有沾上龍蝦味 , 麻麻 . 

 花膠滑滑骨膠原養顏 , 如果湯冇咁鹹就不錯了 .

 西蘭花炒蟶子皇

蟶子過熟幾韌冇咩鮮味 , 

其他食材有黃 , 紅甜椒和疑似爽口珊瑚蚌 ,

整碟餸淡 , 麻麻 . 

 年年有餘沙巴龍躉

我們衹有半席 , 魚要改動成這樣 ,

肉實唔太鮮味 .

 金雞來報喜脆皮雞 

皮很脆肉質算幾滑 , 但雞味欠奉 .

 紅柿粒粒浸菜苗

很有創意 , 可惜豆苗偏老 ,

浸菜苗的湯又冇味 , 

粟米粒粒甜甜的 , 可人兒愛吃罷 ! 

最後一款餸係金腿帶子粒炒飯 , 

等差不多半小時才送來 ,

前面幾款餸菜都麻麻 , 心裡不存厚望 ,

哈哈 , 這款炒飯炒得好好味熱辣辣夠鑊氣 , 

帶子雖細粒但有鮮味 , 火腿就唔多覺眼 ,

嘻嘻忘記影下來 .

 美顏紅棗糕

甜度適中煙煙韌韌好吃 , 

整頓飯金豬和甜品最好吃 ,

今餐飯總算好頭好尾 , 意頭唔錯盛惠 2270大洋 .