石門 " 上海佬 " 飯店

我們從未到過石門 , 乘屯馬線雖時一個多小時 , 

我想像中的石門是很偏僻的新界區 , 

當踏出港鐵閘外 , 看見左右兩旁都是商業大樓 , 

廣場非常廣闊人流也不少 , 

看衣著大都是這裡的街坊 , 

悠閒地聚集在廣場石椅上傾談, 

兩旁大樓的地鋪燈火通明 , 

除了食肆還有生果店 , 

店內外擺滿各式各樣外國和國內的水果 , 

價錢比我住的區相宜許多 , 可惜太遠不能買回家 . 

我們也到商場裡看看, 

商場地方較細店鋪都是賣些包點和衣服 . 

晚飯我們到 " 上海佬 " 飯店 , 

名字簡單說明是上海餸菜 . 

我們坐近窗邊剛好是放工時間 , 人來人往好熱鬧 

鱔糊炒粗麵 $ 97 

麵條份量好少韌度適中 , 

主角鱔肉切成粗條好腍冇鱔味 , 

還有其他配菜也非常多 , 由其是芽菜特別多 , 味道一般 .

三鮮湯年糕 $ 70 

首次食湯年糕 , 年糕煙韌湯很濃稠味道好淡 , 

配料有三大隻蝦幾新鮮 , 娃娃菜外還有幾件火腿好腍冇味 , 

如果火腿改成金腿相信好味得多了 .

紅油抄手 $ 59 ( 8 隻 )

大大隻雲吞 , 裡面的饀好飽滿有肉味 , 

辣汁偏甜没有蒜香味衹是微辣 .

酸蘿白 $ 6 茶位 $ 8

小籠包 $ 48 

湯汁很豐富 , 把汁放到小湯匙中 , 

剛好整整一匙很鮮味 , 肉饀有肉味 . 

 

葵芳 " 潮庭 " 晚餐

昨晚和姪女婿一家三口又到葵芳" 潮庭 " 吃晚飯 , 

雖然不是假期但入坐差不多滿真好成續 ! 

同樣用姪女婿的信用可享有 75折 , 

茶位沒有折 $ 18 . 

椒鹽九肚魚 $88 

上次食過好好味今次又再叫 , 水準一樣 .

鵝肉 $178 滷汁做得幾好味 , 鵝肉幾嫩 .

打冷拼盤 $ 128 食材一般

蠔仔肉碎粥(碗) $ 55

方魚瑤柱肉碎粥(碗) $ 55 

兩碗粥裡的食材頗為豐富 , 味道真不錯 .

白飯(碗)忘記影下來$ 19

手打魚蛋素菜煲 $ 158 

味道清淡蔬菜太腍了 , 

手打魚蛋跟街市賣的差不多 .

四喜拼盤 $ 260 

擺設跟元朗 YOHO MALL " 鵝鹵宮 "一模一樣 , 

可能是同一集團 , 

我覺得" 鵝鹵宮"做得較出色 . 

太極素菜羹 $ 148 

侍應姐姐沒有給我們看看便一碗碗送來 , 

所以看不到太極做型是否出色 , 味道一般 .

最後食埋甜品真是完美的一餐 , 

芒果布甸 , 杏仁茶 , 紫米露 .

吃飽飽行出商場 , 

遙望遠處整排耀眼燈飾好像行車大橋 .

 

" 潮潮居 " 抵食龍蝦伊麵

屋苑商場大番新後 , 陸續有新食店開張 , 

大部份都是年青人愛吃的日式和韓式食肆 , 

酒樓更增加經營壓力 , 

商場有三間酒樓經常推出優惠 , 由以龍蝦更加抵 , 

今回到 " 潮潮居 " 吃晚飯 .

前菜 $ 16 

潮洲咸菜 , 豆干粒 , 花生 , 酸青瓜和芹菜 , 

咸菜好爽口其他食材好辣又麻的 .

茶錢每位 $ 15 

西澳洲龍蝦 $ 268 伊麵底實在好抵 

肉質爽口彈牙好鮮甜 , 伊麵份量好多 , 

食完這碟麵已差不多飽了 . 

鹵水拼盤半份 $ 98 

來到潮州食肆都要試試鹵水拼盤 , 

價錢抵份量幾多味道適中 , 

墨魚片 , 鵝肉片 , 豆腐 , 豬腩肉和紅腸 , 味道一般 .

脆皮燒雞一隻 $ 88 

炸得皮脆肉滑醃得好入味 , 

皮下沒有油脂有雞味 .

飯後還有蕃薯糖水送 , 

餸菜啱口味之餘 , 份量多又要打包回家了 .  

炸雞我們二人衹吃了幾件 , 

鹵水拼盤食剩好多 , 合共一盒滿滿的 .

 

" 潮潮居 " 嘆茶

閒來無事到屋苑商場看看順道飲茶

 " 潮潮居 " 中午茶及下午茶錢 $ 13 , 

而點心不論大 , 中 , 小點一律 $ 26 , 

價錢抵又不用等位好方便 .

蜆芥炸鯪魚球外面脆脆地裡面爽口彈牙 , 

蜆芥都不用蘸 , 鯪魚球味道已甚啱我倆口味 .

芋蓉鳯尾蝦我以為鳯尾衹是蝦尾硬穀部份 , 

原來是整隻爽口鮮甜的蝦 , 

芋蓉裡還有些菇粒和蝦米仔味道好好 .

家鄕蘿蔔茶棵外皮太軟了 , 

饀料有少許蘿蔔粒 , 唐芹和一些不知名食材 , 

味道可以但我們較愛吃甜饀的茶棵 .

蟹籽蒸燒賣饀料的豬肉和蝦好新鮮爽口美味 .

魚肚灌湯餃

淡而無味的湯 , 所以魚肚都係冇味 , 

餃裡食材一般都係沒有特別味道 .

飲完茶周圍看看 , 

好大的宣傳板 , 後面擺著各種空氣清新機 , 

這裡所有產品都是科大研發的, 

其中一款手提驅蚊空氣清新機頗為吸引 . 

我家住新界間中有蚊侵襲在所難免 , 

曾用過兩部驅蚊機効果嘛嘛都要三幾百元 , 

回看這部手提機樣子唔錯 , 

有四種顏色粉紅 , 粉藍 , 米色和白色$ 999 

雖然貴少許但總算是本地研發 , 

所以買部粉紅色的以示支持 .

黃雨下簡單自煮

週末掛起黃雨警告 , 

行雷閃電好嚇人的滂沱大雨 , 

雨稍轉細到超市買些簡簡單單的餸菜便立刻回家 .

蒜茸黑椒牛展蒸粉絲

洋蔥炒蛋

清煮有機紫椰菜 , 

今次紫椰菜甜味比普通菜淡又硬 , 

煮的時間長了顏色變得非常暗啞 .

. .
 

屯門 ＂聚聚 ＂晚餐

上次在姪女婿家中見過他的冷暖風機 , 

樣子唔錯而且據說已用好幾年覺得唔錯, 

由以放睡房較細的機 , 冬天當暖風機効果幾理想 , 

我家住新界冬天較市區寒冷 , 

引得我好想買部試試, 

去過幾間大電氣鋪都沒有細冷暖風機 , 

我們特意去位於屯門 V City 的專門店看看 , 

果然有細的機  , 售貨員耐心介紹和試用給我們看 , 

很久沒有見過咁好禮貌又有耐性的店員了 ( 讚 ) 

我們不想立刻買機還想行下街吃完晚飯才買 , 

店員好禮貎又好笑容地表示 

唔緊要我們 9 點鐘才收工 , 

行完街吃完晚飯來都唔遲，開心地離開 ! 

屯門好幾個商場連貫起來 , 甚多店鋪可行 , 

行到屯門市廣場2期 , 差不多時間吃晚餐了 , 

今次飯店名" 聚聚 " 現在很多食肆的名稱都好得意 , 

茶位$ 11 今次叫了兩款餸 , 一個菠蘿炒飯 , 一款甜品 , 

雖然食物一般 , 但店員工作態度很不錯 , 有下次 ! 

芥末沙律花姿卷 $ 48 ( 5 枝 )

每枝卷做型像尖尖手指好脆好熱

裡面包著魷魚幾鮮味 , 蘸上芥末沙律醬更添美味 . 

沙薑鹽焗脆魚花壇 $ 128 

魚肉連皮好爽口可能是脆肉鯇魚 , 

還有些魷魚和不知名的菌 , 味道還可以 . 

火熖菠蘿炒飯 $ 138 

店員對我們說：你們要影相打卡嗎？ 

店員用火鎗噴菠蘿皮燃起少許火熖 , 

室內太光影唔到火熖 . 

菠蘿好大個盛滿炒飯 

配料有蝦蛋翠玉瓜粒蛤仔墨魚粒等味道一般

金稻海鮮盛薈 $ 98 

全部海鮮放盤外還有中間放上一個脆脆飯球，

把飯球壓爛吸湯汁幾好味

冷暖風機

 

荷里活廣場 "夏麵館 "

荷里活廣場我們已好幾年沒有到訪 , 

商場範圍唔大曾翻新過 , 增設許多不同店鋪 , 食肆也不少

 " 夏麵館 " 好幾年前我和相公曾到銅鑼灣區的夏麵館吃晚餐 , 

食品也算過得去的 . 今次在這裡遇上當然要試試了 . 

優惠餐 $ 288 松鼠魚一條另選兩款小菜和小籠包4件 

茶位$ 10

松鼠魚 

黃花魚本身魚味較淡又炸得太干 , 好硬 ! 

配料頗多 : 松子仁 , 青椒菠蘿紅椒切幼細粒 , 

酸味較濃味道一般 . 

四個小籠包 

有三款饀可供選擇 : 

1 . 菌菇小籠包 2 .藤椒雞肉小籠包 3 .麻辣小籠包 

幾種饀似乎唔啱口味 , 侍應姐姐提供不如衹要高湯吧 ! 

不想試新口味 , 都是傳統口味較合心意 . 

小籠包湯汁很少 , 肉饀味道都算可以 .

蔥爆牛肉落鹽太重手 , 好鹹大蔥好老 . 

黑醋話梅骨味道唔錯， 

但加埋松鼠魚的酸較難接受 , 打包回家好了 .

白飯 $ 12

餸菜送來速度太快了 , 一下子全部到齊 . 

點心紙的名稱 " 忘返榴槤酥 "

 ( 唔太明意思 ) $ 48 伏了 ! 

首先酥餃微暖大打折扣 , 饀料食唔出榴槤肉 .