外賣燒雞

諗唔到煮什麼餸菜 , 

倒不如買外賣回家吃吧 !  

自家蒸水蛋 

快餐店燒雞 和 焗豬扒飯配咖啡 , 

雖然味道一般 , 但不用煩惱諗餸菜 .
 

淮山麵 , 木瓜桃膠蓮子素湯

淮山麵前排在食肆食過 , 口感唔錯 , 

終於前幾天買了一袋 , 

今天用牛肉蕃茄煮麵做午餐 , 

淮山麵比普通乾麵條滑少少 . 

晚餐 : 冬菇蒸豬肉

木瓜桃膠元肉紅棗蓮子素湯

 蕃茄椰菜炒蛋 

麵條做成圓形好似細細件 , 

原來煮開了份量唔少的 .

 

" 亞參 " 去骨海南雞飯

" 亞參 " 海南雞做得不錯 , 

所以今餐都係食海南雞飯 . 

去骨海南雞飯 $ 79 

清雞湯好濃郁 , 還有少量草菇 ,  

油飯唔油爽口好味 , 雞件冇骨幾滑但沒有雞味 .

喇沙米線 $ 72 

以前未食過這款米線 , 

湯味太濃微辣椰漿好香 , 

食材幾豐富 : 

雞肉 , 魚片 , 大蝦 4 隻頗為鮮甜 , 

半隻雞蛋 , 芽菜 , 通菜 , 香菜和豆卜 .

餐飲轉薏米水 $ 10 杯 

薏米煲得好腍有薑水較辣 .

＂ 上海姥姥 ＂

我們又到屯門市廣場行街 , 

可能今天是週末又是母親節前夕 , 

商場裡人流川流不息好熱鬧 , 

我們提早食晚飯 , 避免等位輪候 , 

今次到 " 上海姥姥 " 食麵點 .

5 點半鐘入座 , 

但有人比我們更早已正在享用晚餐 . 

節日餸菜有點不同 , 

平日有的食品今天未必有供應 . 茶位 $ 9

生煎包 $ 43

包好油膩但非常熱 , 包底脆脆的好食 , 

肉饀好新鮮多汁 , 如果先放吸油紙在包底吸油更佳 .

厚切排骨手製拉麵 $ 76 

豬排好厚炸得鬆脆熱辣辣 , 醃得好入味 , 

麵條裡混了一些粗幼不均的麵條 , 

相信是人手做的 , 口感唔錯 .

酸辣湯雲吞6 件$ 68 

酸辣湯食材切得好幼細 , 

大概有 : 金菇 , 肉絲 , 豆腐粒 , 木耳幼絲 , 笋絲等 , 

味道微酸辣 , 雲吞味道一般 .

我們把酸辣湯加到麵中混來食好好味 。

先前下單沒有留意枱上貼著這個新包點廣告 , 

玫瑰花做形幾靚好吸引 , 

所以再加單這款包 . 

侍應員立刻替我們下單 , 

再回來說已下單 , 並且說這款包送給我們 , 

吓 ... 我接著問為何呢 ? 

回應因為母親節 , 哦原來是這樣 , 

但先前落單又冇講 , 而且隔離兩張枱都冇送 , 

我諗係要超過特定單價才會送的 .

擂沙湯圓 $ 56 

很久沒見食肆做這款甜點 , 

好迷利的湯圓 , 

落單時侍應員說做這款湯圓要15分鐘 , 

所以我們要食預早15分鐘通知 , 

皮好軟糯好薄 , 黑芝麻饀好流唔太甜 , 做得唔錯 .

玫瑰豆沙包 $ 38 ( 送的 ) 跟廣告差好遠啵 , 

饀唔太甜紅豆沙饀好綿包也好食 .
 祝願天下母親日日都快樂 !

日月魚豬展節瓜湯

夏天來臨節瓜開始嫩了 , 買來煲日月魚湯 .

豬展日月魚瑤柱節瓜湯 

其他配料 : 淮山 , 花生 , 紅棗和陳皮 .

煎豬扒 

青豆角炒蛋 

" 蒲東小館 " 小籠包 " 媽咪 " 雞蛋仔

天氣陰晴不定 , 今天難得好好太陽 , 

返完跳舞班到 " 蒲東小館 " 食下午茶餐 .

沒有加一服務費 .

好一段日子沒有到這裡 , 

以前經常好多客在門前等位 , 

今非昔比館內衹得幾枱客 , 冷清清 ! 

餐飲 : 熱柚子茶 

 熱豆漿

豆味濃郁微甜 . 好味 ! 

紅燒牛腩麵 $ 58 牛腩炆得腍滑好味 .

菜肉雲吞麵 $ 45 尚可 ! 

小籠包 $ 30 

熱辣辣皮算薄好易穿 , 肉汁鮮味唔錯 .

吃飽到公園曬太陽 , 春夏花兒盛開 .

香彩雀

" 媽咪雞蛋仔 " 已開業好幾個月 , 

每次行過都多人排隊購買 , 

難得今天等的人甚少 , 

雞蛋仔味道有好幾款 , 我們買了原味試下 . 

雞蛋仔夾模全電子化 , 等了大概10分鐘 , 

拿在手裡非常熱 , 

雞蛋仔體形變細跟連貫的邊都非常脆 , 

不像以前雞蛋仔外面微脆中心軟軟地 , 

味道也變得較甜 , 

整體好脆食完好似一陣風 , 

又一個地道小食變了, 

好懷念舊方法用炭爐焗熟的雞蛋仔 , 

特別好風味 !

五指毛桃螺頭豬展湯

聞說春夏湯水用五指毛桃煲湯 , 

健脾補肺去濕 , 

現在天氣經常潮濕 , 我也試煲這種食材 .

五指毛桃螺頭豬展湯 

其他食材 : 

北茋 , 當參 , 淮山 , 茨實 , 陳皮和生薑 , 

螺頭是雪的清理之後還拖水去腥 , 

五指毛桃煲起來好香椰子味 , 湯味唔錯 .

 豆干炒翠玉瓜

 三文魚松子仁炒蛋