" 鳳城 1954 " 雀籠點心

印象中曾食過上環" 鳳城 " 總店招牌炸子雞 , 

早幾年前好似結業了 , 

後來在上環另一地方再開業 ,  

今次到愉景新城 " 鳳城1954 " 飲茶 . 

下午茶位 $ 10

豉椒生魚片炒河 $ 78 

河粉是我們愛吃的軟身腍滑河粉 , 

河粉炒得夠鑊氣好香豉椒味 , 

生魚片好滑配上微微辣好食 .

 我們叫了這個雀籠 

溶岩流沙包 , 青趣奶皇子 , 豬嘜叉燒包

櫻花蝦燒賣 , 彩虹鮮蝦餃 , 

小鳳依人 , 甘筍鹹水角 , 彩棉香芒布甸

炒河剛食不久 , 雀籠便送到 $ 98

溶岩流沙包 , 青趣奶皇子 , 豬嘜叉燒包

櫻花蝦燒賣 , 彩虹鮮蝦餃 , 

小鳳依人 , 甘筍鹹水角 , 彩棉香芒布甸

趁熱吃了兩款點心 : 

彩虹鮮蝦餃 

餃皮較厚蝦鮮甜好味 .

甘筍鹹水角

熱辣辣皮好薄好脆口 , 饀料一般 .

青趣奶皇子 ,

外皮青色饀都係混青色的奶 , 

顏色不太討好 , 味道嘛嘛 .

溶岩流沙包 , 

皮黃色饀好流沙唔太甜 .

豬嘜叉燒包 

白色皮做型幾可愛 , 叉燒饀一般 .

櫻花蝦燒賣 

好大隻蝦放燒賣上面幾鮮甜 , 

豬肉饀是切肉爽口好食 .

小鳳依人 = 鳳梨酥

彩棉香芒布甸

杯盛著紅和綠色棉狀物 , 沒有試食 .

芒果布甸好香奶味 , 

混著好多新鮮芒果肉好香又好食 . 

" 亞樂快餐 "鮑魚滑蛋海皇飯

生意難做各食肆除價錢平 , 

還要久不久攪攪新款式餸菜 , 

 " 亞樂快餐 " 午餐除了歷久不變的厚切豬扒焗飯 , 

現正推出鮑魚滑蛋海皇飯 . 價錢平樣子唔差的 .

厚切豬扒焗飯 $ 49 

我愛吃這款焗飯 , 豬扒厚厚醃得入味 , 

有蕃茄菠蘿微酸好送飯 .

鮑魚滑蛋海皇飯 $ 37 配熱飲品

相公要中國茶 , 

食材幾豐富有 : 

細細隻鮮鮑魚仔大概有6至7 粒 , 

唔韌但沒有鮑魚味 , 

鮮元貝仔大概係6至7粒味道都係冇乜 , 

還有仿蟹柳 , 蛋和冬菇 , 

雖然各樣海產沒有鮮味 , 

但調味不錯以這個價錢係算唔錯了 .

 

" 大師傅粥品 " 北菇雞粥

想食粥但沒有煮意 , 

到 " 大師傅粥品 " 食雞粥 .

先來隻粽 $ 20 

我和相公都鍾意食甜的 , 

糯米烚得軟糯綠豆好綿咸蛋黃幾香 , 

第一樣食品已不錯 , 

相信其他食品也啱口味的 .

炒麵 $ 16

想得太理想 , 麵條較硬身少量芽菜 , 味道欠奉 .

炸兩腸 ( 細 ) $ 16

 腸粉算可以 , 

覺得油條不是傳統制作 , 好似用炸粉好硬脆 , 唔好食 .

北菇雞粥走蔥 $ 41 

粥杰撻撻雞嚡又冇雞味 , 失望 ! 

" 譚仔雲南米線 "虎蝦鳯城水餃米線

一段日子沒有吃 " 譚仔雲南米線 " 

以往湯底最低辣度10  , 還分大中小辣 , 

我們僅可以接受10小辣 , 

現在辣度竟改成從5開始 , 哎唷太辣了 !  

如果要清湯底米線唔太好味 .

豬肉雞肉米線湖南酸辣湯底 $ 49 

湯唔夠酸但辣味就太辣 , 

加半杯白開水落去 , 都是勉強食完 ! 

酸辣金湯米線配虎蝦鳯城水餃 $ 49 

虎蝦3大隻鮮甜爽口 , 

水餃3個裡面有蝦木耳味道唔錯 , 

同樣太辣要加半杯白開水才吃 . 

冬菇栗子支竹炆咸豬手

三文魚頭豆腐湯 

煎香三文魚頭加豆腐 , 

蕃茄和紅蘿蔔一起煲湯 , 

想起之前買了一大包紫菜還沒有開封 , 

正好今次放落去煲試試 .

噢 , 失敗了 !  

原來同其他食材唔太夾的 . 

烚椰菜花 

冬菇栗子支竹炆咸豬手

昨日從餐廳打包回來的咸豬手口感較實 , 

有如金華火腿那樣咸香 , 

跟冬菇栗子支竹一齊炆 , 味道真不錯 !  

 

" DINELAND "脆皮德國咸豬手

建生輕鐵站落車 , 到附近的小區逛逛順道食午餐 , 

區內除了公屋還有些舊式私樓 , 

食肆林立最後我們選擇到" DINELAND " 

餐廳外有座位給帶同寵物齊來用餐的 .

晚上有酒供應 .

用餐時間 90分鐘 , 價錢合理食物也不錯 .

沒有加一服務費 , 衹收現金 .

我們叫了兩份午餐 , 食物水準也不錯 .

熱朱古力

我們第一次喝有拉花的飲品 .

餐湯餐包

磨菇忌廉薯蓉湯好濃香好味 .

微暖軟餐包灑上粟米微粉粒 , 搽牛油好食 .

脆皮德國咸豬手配蜜糖黑椒汁 $ 116

豬皮脆卜卜好香口 , 

肉質較實有點似金華火腿咸香味道不錯 , 

味道雖好但我們反而鍾意食伴碟的炸薯角 , 

熱辣辣有粉狀調味香料附著好咸香 .

豬手份量也不少 , 吃不完要打包回家 .

香煎格陵蘭比目魚 $ 118 

薯角真好食 ! 

煎香的比目魚皮很脆肉質 juicy .

餐廳內座位大概衹有10張4人枱 , 

客多就把4人枱分開變2人枱 , 

座位好細跟隔離好近 .

我們已差不多是最後離開的客 , 

才可以影到窗外景物 .

朱古力心太軟伴雲尼拿雪糕 $ 28 

甜品微熱切開少許裡面的朱古力立刻往外流出 , 

朱古力太好味了 ! 

流出來的朱古力用雪糕蘸來食又有另一種味道 .

餐廳服務也不錯 , 

既然沒有收加一服務 , 我們另外給多少少貼士 .

我倆吃得飽飽的 , 繼續周圍逛下 .

商場外牆好童真 , 入去看看 .

樓高兩層先看看一樓佈置也很童真 .

二樓佈置更加得意 

行到盡頭是私家醫生診所集中地方

除了這幾間另外一面也有幾間 .

" 囍雲軒 "脆皮炸子雞

第二次到元朗形點" 囍雲軒 " 吃晚飯 , 

上次食過這裡的炆台山蠔 ,

覺得做得唔錯 (稍微鹹少許) 今次又再叫來食 .

茶位 $ 18

脆皮炸子雞半隻 $ 108 

皮下脂肪少雞皮炸得好脆肉又滑 , 

平時我們較少吃雞皮 , 今次破例了 ! 

薑蔥炆台山蠔 ( 桶 8 件 )$ 238 

蠔幾肥美 , 水準跟上次一樣 , 

蠔邊輕輕炸過 ( 脆脆的 ) 

味道跟上次一樣稍微鹹少少 .

西蘭花生煎龍躉斑球 $ 168 

厚厚7件斑塊今回煎得嚡少少 , 味道不錯 .

飯後仍有紅荳沙送 , 紅荳好綿又滑唔太甜 .