鰻魚燒+素鴨

無咩煮意想著要簡單快捷 !

節瓜肉碎蛋花湯 

清煮椰菜 

素鴨蒸燒鰻魚 

燒鰻魚樣子好肥美翻熱就可以食 , 

但鰻魚燒的醬汁好濃 , 

特意用素鴨把鰻魚分隔開翻蒸 , 

味道也可以的 .

 

" Pizza Hut "千島海鮮批

我幾鍾意食Pizza 但相公就不大愛吃 , 所以較少食 , 

最近 " Pizza Hut " 推出優惠買一送一 , 我當然雀躍了 .

但相公對Pizza 嘛嘛 , 

特意再買兩個下午茶餐 , 便可以分兩餐食 .

香蒜肉絲意粉 $ 39 飲品轉忌廉雞湯加$ 3

葡式烤雞焗飯 $ 50 飲品轉意大利蔬菜湯加 $ 3

今餐先吃一個 Pizza 配烤雞焗飯和兩客湯 ,

千島海鮮批( 普通批 ) $ 169買一送一 , 

除開每個唔駛 $ 90 好抵食 .

海鮮批饀有 : 蜆肉 青口 蝦仔 魷魚肉 三文魚肉 .

還有菠蘿 , 青紅椒 , 千島汁和芝士好豐富好好味 .

瑤柱蛋炒飯

瑤柱蛋炒飯 

一大碗打包回來的剩飯用來炒最好不過了 , 

衹用瑤柱和雞蛋炒埋一堆 , 好彩味道也可以 .

本菇煮素扎蹄 

肉片粉絲椰菜

 

" 牛奶冰室 "欖角蜜汁骨

" 牛奶冰室 " 吃星級二人餐 $ 188 

有 : 兩款餸 + 兩盅燉湯 + 白飯兩客 

本來吃二人餐都差不多了 , 

相公好想食客家豆腐 , 

本想叫一款客家豆腐 , 

但侍應姐姐表示沒有單叫客家豆腐 , 

衹有客家豆腐鍋 , 有白飯還有熱飲品 , 

她還提議把多出來的白飯打包回家炒飯 , 

哦 , 不失為一個好提議 .

再多叫一客豆腐鍋 $ 70 

有 : 客家豆腐鍋 + 白飯一客 + 熱飲品 , 

二人餐 : 欖角蜜汁骨 

欖角好惹味還有微甜甜的蜜汁 , 排骨口感不錯 .

客家豆腐鍋 $ 70

豬肉釀豆腐淡而無味 , 份量也不少的黃豆墊底 .

二人餐 : 豉汁蒸黃立倉 

魚幾新鮮蒸的時間剛好 , 肉好滑豉汁惹味 .

豆腐鍋餐飲 : 特濃朱古力濃得驚人好好味 . 

追加牛奶卷 $ 10 

熱辣辣炸出來好香脆 , 奶味也香好食 .

二人餐兩碗白飯加埋豆腐鍋的白飯 , 

三大碗白飯衹吃了一碗 , 其餘打包回家 . 

兩盅湯最後送到 , 跟餐是姫松茸排骨湯

侍應姐姐提議可轉猴頭菇響螺燉雞湯加 $10 

食材幾豐富味道很好 .

薑蔥炆油甘魚頭

萍果素湯 

還加上腰果 , 蜜棗 , 百合 , 

蓮子和無花果 , 湯味甜甜的 

豉油雞炒法邊豆 

雞是昨日外食剩打包回來的 . 

薑蔥炆冰鮮油甘魚頭 

 

" 名點屋 "抵食晚市孖寶

屯門 " 名點屋 " 晚市孖寶 $ 128 

煲仔飯+雞半隻

茶位 $ 12 沒有加一服務費

孖寶 : 豉油雞半隻 

雞醃得好好味肉好滑 .

孖寶 : 鳳爪排骨煲仔飯 

煲仔飯煲得唔錯飯好爽口 , 份量也不少 . 

紅油抄手 $ 36 

雲吞饀是豬肉微爽口好食 , 

我們點餐時跟侍應員要少辣 , 

侍應員回應我們不如把辣汁另上 , 

這個提議非常好 , 

辣油加醬油調配得好好味 , 又唔太辣 .

鮑汁鮮竹卷 $ 32 

味道唔錯每樣份量也不少 , 

我們衹好盡量把煲仔飯和點心食清 , 

豉油雞衹吃了幾件 , 其餘打包回家 .

侍應員還給我們一盒薑蔥油打包回家 .

雞絲燴意粉 .

豆腐粟米羹 

現在罐頭粟米湯好似比以前稀得多又沒有味 , 

今次滾粟米湯同時會加盒豆腐 , 

心諗湯可能變得更淡 ,

 特意買細細包的史雲生清雞湯做湯底 ,  

味道提升不少了 . 

雞絲燴意粉 

雞絲用雞扒去皮切條 , 另外加蕃茄粒 , 

本菇和青豆炒埋一碟 , 好快就開餐 .

灼菜心