馬鞍山天澄閣做節

端午節快到 , 又係時候家庭聚會了 , 

今次我們去馬鞍山海澄軒酒店的天澄閣吃晚飯 .

到達馬鞍山時間尚早 , 到附近的馬鞍山中心逛逛 , 
商場內的佈置好面善 , 哦 ... 好似將軍澳商場差唔多樣 , 
不過這裡多咗座兒童機動木馬 .

自從茘園拆咗 , 已很久沒有見過機動木馬 .

商場內的店舖同市區差不多 , 總是那幾間連鎖店 , 
沒有什麼看頭 , 倒不如出去公園行吓 .

咦 ! 這棵咪係蘭花 , 當我正在疑惑之際 , 

有位好好人的亞伯走過嚟 , 很詳盡地解釋給我們聽 , 

亞伯話冇錯呀這正是蘭花 , 種在地上的叫做地生蘭 , 

樹上的是附生蘭 , 係特登種在樹上的 , 

等那些蘭花吸取樹的營養 , 同花墟嗰d 蘭花唔同的 .

亞伯話黃色呢種蘭花係貴嘢嚟0架 .

兩種蘭花種埋同一棵樹 , 
呢棵樹真係陰功 , 比佢地吸哂d 營養 lu . 

欣賞完蘭花謝過亞伯的詳盡講解 , 

差不多夠鐘去食飯的酒店 , 

酒店入口位於一個陰陰沉沉停車場處 , 

當我影完這幅相 , 準備往隔離附設的飯店 , 

有位穿着啹家兵服的守衛過來說酒店不準影相 , 

好少見酒店請啹家兵做守衛 , 感覺好怪怪 .  

.

酒店貼住海濱長廊對住個海環境唔錯 , 
跑步一流但一點風都沒有非常焗熱 , 熱到我暈頭轉向 . 

風力發電 

又係風力發電 

終於夠鐘食飯 Lu ,

增加一位新成員 , BB 女剛一個月零一日 , 
飯店餸菜冇乜特別花樣 , 好住家 Feel , 每款餸菜份量很少 .

冬瓜盅材料有 : 

帶子 , 蓮子 , 竹笙 , 蝦 , 燒鴨 , 勝瓜 , 瘦肉 , 蟹柳頗豐富 .

豉椒炒鮮魷 , 鮮魷非常的色 .

黃金焗大蝦 .

清炒什菌雲耳勝瓜 .

帶子蒸豆腐 , 同自己蒸差唔多樣賣相差又好淡 .

馬介休駝鳥肉炒通菜 , 通菜太多馬介休好鹹又勁多油 .

焗魚頭雲得棚骨又冇味 .

超過六人送白切鷄半隻 .

上湯焗龍蝦 , 侍應話足一斤四兩一份 328 元 , 
這碟龍蝦点睇都唔覺有斤四兩 , 有搵笨之嫌 , 
我們請侍應過來問個明白 .

姪女婿 : 呢碟就係斤四兩龍蝦呀 ! 係國內秤定香港秤.
女侍應 : 香港秤 ; 係足斤四兩連殼秤0架 .
姪女婿  :  咁細碟点都唔似斤四兩呀 , 現在一係就退貨 , 
我已經影咗呢碟龍蝦既相 , 如果唔肯退貨我會投訴你地 .
女侍應講嚟講去都話連殼秤 , 擾攘咗成十分鐘 , 
後來再叫部長過來又講一輪 , 結果最後退貨 .
今天上了一課 , 如果日後有這種情況 , 我識應付了 .


Wing L 2010年6月18日
酒樓成日都有甘的事..... "現在一係就退貨 , 我已經影咗呢碟龍蝦既相 , 如果唔肯退貨我會投訴你地 ." 這個反應一流呀, 下次我識講呀.....
ak 2010年6月18日
我都係咁諗以後有乜唔妥即刻影相 , 再咁講非常好用 .
MuiMuimui2010年6月15日
唔係呀﹗哈哈哈﹌ 我話的人嘈住個ＢＢ﹌
ak2010年6月18日
一場誤會添 .
小心流感
2010年6月15日
Ha Ha !!依家手機都有相機真方便，有乜依郁即時可以影低！
ak2010年6月18日
冇錯呀 , 真係方便影咗相冇得唔認 .
Daisy2010年6月15日
你叫她們打個枰來枰下煮熟後有幾多兩,如果太少問佢地係咪打斧頭嗎? 有時候都要據理力爭的,你明唔明呀?
MuiMuimui2010年6月15日
你個ＢＢ拎埋去飲茶呀? 會唔會太嘈架?
ak 2010年6月15日
哈哈 ..... 個 BB 唔係我的 , 係老公姪女的 . 而且這裡客人很少 , 當晚得十枱客都唔知有冇 , 所以小朋友冇乜嘈 .