元朗行 ( 囍慶大酒樓飲茶 )

昨晚已想定今天到元朗逛下 , 怎料今早起床 , 
噢 ! 又滂沱大雨 , 人算不如天算 , 
嘩啦嘩啦落過不停 , 終於中午一点幾 , 
才開始好天起來 , 照原定乘西鐵到元朗 , 
出咗閘就見到在西鐵範圍內 , 
開了一間酒樓 , 外貌也不錯入去 lu .

內部裝修都幾好 , 連天花也俗 .

這兩個馬拉盞係酒樓送0既 .

羅漢齋腸粉幾滑 .

上湯韮菜餃都算鮮味 .

沙嗲蒸土魷好濃味 .

鷄包仔饀好辣
( 我發覺新界D茶樓好興落很多羗做饀0既 )   
唔通新界人嗜辣 ? 

飲完茶往隔鄰的新元朗中心 , 
市區的大型商場有0既舖頭這裡都差唔多一樣有 , 
而且自助售賣機都有添 .

無意中見到這間酒樓 , 外面看來裝修得幾靚 .

門外掛咗幅風景畫 , 
等位大堂的墻上也掛咗幾幅油畫 , 
但影得唔靚留待下次入去幫襯再影過 .

行完新式商場又回到舊式街道 , 
元朗真係乜都有 , 尤其生果舖和葯房最多 , 
每次到來必定到書局打書釘 ; 買書癮又發作買了四本 .

生果擺賣多得很 , 唔買對唔住自己 , 
亞媽曾講過一個茘枝三把火 , 
所以望住 D 糯米糍茘枝自言自語地說 , 
一個人唔食得咁多都係唔好買囉 , 
老闆娘聽到竟然應同我咁講 , 唔好食咁多呀 , 
一個人買半磅夠嘞 , 都好重秤半磅得八粒茘枝 . 
( 回家立即食住四粒先 , 核就好細但酸酸地 . )

晚飯到自己屋苑會所食 , 
羅宋湯 , 粟米湯 , 海南鷄飯 , 錦江豆腐煲 , 熱檸樂和紅豆冰 .