大除夕 " 大蕃薯晚餐 "

大除夕梗係要慶祝下0既 , 我諗市區一定非常熱鬧 , 
我和相公選擇近近地去粉嶺聯和墟逛下 .
我曾在 blog 友處看過這裡有間 "  大蕃薯  " 餐廳的分享 , 
他對這餐廳的食物評價都唔錯 , 我們順道去搵搵 , 
我和相公從未到過粉嶺聯和墟 , 找了很久才到達目的地 , 
首先找餐廳  Book 位 , 因為今日是大除夕 , 
好擔心一場來到 , 冇位食晚飯太掃興了 , 
Book 完位才放心周圍逛 .

咦 .. 有墟趁喎 !  
唏 ! 早知明日才入來喇 , 明日又再嚟過 .

我們被對面街的三面旗幟吸引著 , 過去睇睇先 .

此座建築物名為黃帝祠 : 
此處起碼有五至六座圓柱 , 每座都刻有龍的標誌 , 
龍柱下面還有很多石刻畫 . http://www.chinaemperorhall.com/

    

      

    

                       

   

    

    

    

    

    

羅宋湯 , 南瓜忌廉湯

大蕃薯招牌菜 , 芥蜜脆皮原隻燒豬手木板上 , 
我們呢隻豬手真係麻麻 , 似非洲豬手 , 
我勉強試一口脆豬皮都算脆的 , 
肉的味道偏淡 , 飯凍又很硬 , 木板上的醬料很甜 , 
總括嚟講唔合格 .
有時到外面食嘢 , 都要講運氣 , 人地食可能好好 , 
但自己就 .... 好似我地呢隻豬手烏卒卒 , 隔離枱嗰隻就幾靚 .

茴香紅酒燴羊膝配什菌菜飯 , 飯好味過什菌 , 
羊膝竟然給我們驚喜 , 軟滑無羶味又唔肥膩 " 讚 "

最後我們見到隔離枱叫了一件蘋果批 , 
賣相都算可以 , 又好像熱的 , 我們也叫了一件 , 
衰咗添 ; 凍不特止 , 饀漏哂出來 , 批底稔席席唔好食0既 .