The One " 迎 " 酒家晚飯

今日我們一行五人 ,

到 The One 商場 20 樓的 " 迎 " 酒家晚膳 .

這裡內部裝修幾靚 , 因為今日係星期一 ,

而且我們未夠六点鐘便到達 , 所以坐的位置非常好 ,

可以俯瞰尖沙咀和維港兩岸景色 ,
可惜今天衹帶了部儍瓜相機 , 影0既相麻麻地 .
                 

這幾天都落雨 , 落地玻璃窗仍留有雨水的痕跡 .

      

   

 

遠眺尖沙咀鐘樓 , 我們估計這個位置 ,
晚上 八點鐘可以看到幻彩詠香江表演 .               
                 

清真寺屋頂上集居了很多雀鳥 .
                  

酒樓內的裝修也不錯
                 

今日叫了這個四人餐 , 但我們五個人可能唔夠食 ,
所以另加多一味日式煎釀帶子 ,
還有餐唔包飯要另加白飯三碗 ,
菜單中的砵酒美國蠔衹得四隻唔夠分 , 
另外再加多一隻 .
     

 

迎潮二小碟  豬耳和海蜇 , 豬耳非一般滷水豬耳 ,
食到咖哩味好特別 , 海蜇同普通酒家一樣做法 .
      

豐足燉湯
湯料有 : 木瓜、生魚、鳯爪、豬展、紅棗、杏仁等
湯煲得很夠火候 , 味道濃郁 .
     

瓦罉豉油雞 , 味道一般稍偏甜 .
     

乾坤龍蝦 
左邊龍蝦球炒什菌和一些炸米通仔 ,
我衹食配菜味道很不錯 , 還食到有 wasabi 味 .
另外一邊把龍蝦的頭尾炸脆 ,
相公話好爽脆而且帶有些龍蝦肉幾鮮味 ,
因為我唔食龍蝦的 , 所以不知龍蝦味道如何 .
     

日式煎釀帶子 ( 另加餸 )
把一隻帶子開邊釀一些蝦膠 , 再煎香帶子很鮮味 ,
蝦我唔食比埋相公食 , 佢話蝦膠鮮甜美味 .
     

濃湯鮮竹菜苗 , 夏日菜式清清地味道一般 .
     

砵酒美國蠔  , 蠔有少許辣味唔錯
菜單原本四隻蠔的 , 自費多一隻蠔要三十幾元一隻 
飯後迎潮甜品 , 紅荳沙四碗 , 
另送楊枝甘露一碗 ( 掛住睇激光忘記影相 )
     

天黑了 , 所看到的景物又有少許分別 .
     

搭正八点鐘 , 果然看到幻彩詠香江表演 ,
相中綠色線便是維港上空表演的激光 .

玻璃窗反光 , 室內外混為一體 .