元朗蓬萊咖喱屋

連日滂沱大雨 , 今日終於放晴 ,

陽光普照適宜出街 , 再唔出街會吽出冬菇來 .
今日假期人太多唔出省 , 到元朗周圍 hea 下 .
     

周圍行見到呢間咖哩屋 , 個名咁熟0既 ,

哦 ! 記起嘞 , 早幾日在 blog 友的網誌內看過 ,
好似食物都算唔錯0既 .
                   

 " 休息 " 

睇真啲原來分時段開門 ,

下午有一段時間唔開直至黃昏 6 点才開門 ,
現在未夠鐘開門 , 轉頭再來過 .
                   

我們叫這個二人套餐

     

薄脆餅送0既幾好味 , 少少辣很脆 .
跟餅兩杯嘢唔知係乜冇食到 .
     

餐廳細細間 , 環境都算過得去 , 佈置都幾印度 feel .
     

   

 

餐牌寫着可以自由選擇餐湯或咖喱角 ,

兩樣都想食 , 便問下侍應妹妹 ,
原來可以每樣一份的 , 咁梗係每樣都試下喇 !
餐湯有雞粒和不知名的香料, 
味道唔錯 , 咖哩角熱辣辣好好味 .
     

天多尼燒雞球鐵板上 , 啫啫之聲大作 ,
夠哂熱辣辣但比較焦了少許 ,
雞球少少辣冇骨啖啖肉 , 但唔會嚡烚烚 ,
超好味好似新鮮雞咁鮮味 " 正  "
    

 

 

印度黃飯、蒜茸燒包、 咖哩羊肉
米飯爽得嚟唔似意大利飯生生地好食 ,
蒜茸燒包味道一般有些過火焦燶 ,  
我們把焦燶的切走才吃 , 侍應妹妹看到 ,
跟我們說因為很多人客人喜歡較焦燶香口 ,
如果唔喜歡衹要落單時 , 講明就可以正常啲0既 .
咖哩有三款選擇 , 我們要少辣咖哩羊肉 ,
羊肉很瘦但唔韌很滑不錯 , 但羊肉不多 .
     

     

清炒時蔬
第一次食咁樣炒的菜 , 蕃茄煮菜心不過都唔難食 .
     

               

 

餐飲 : 奶茶、咖啡、汽水、芒果乳酪或原味乳酪 ,
問下乳酪材料係乜先 , 侍應妹妹話餐廳自制材料唔清楚 ,
看到隔離左右都叫乳酪 , 試下無妨每樣一杯 .