自摘士多啤梨果園

今日天氣好好 , 我和相公走咗去摘士多啤梨 , 

我們搬到新界居住後 , 每年我們都會去流浮山摘士多啤梨 ,

但去年到流浮山士多啤梨園 , 它附近的土地政府正在大興土木 , 

令到果園範圍縮細了很多 , 種植的士多啤梨 , 

可能因為士地變動, 生長的果實很細小 , 

今次我們改去元朗 , 這裡地方大很多 , 

交通都頗為方便 , 元朗鬧市有專線小巴經過士多啤梨園 . 

離遠已看到很多一家大細 , 

正在很努力尋找心儀的士多啤梨 . 氣氛溫馨又開心 .

相公都入埋去搵啲啱心水的士多啤梨 . 

十幾分鐘就摘咗咁多嘞 ,  一場嚟到梗係要摘多啲添喇 . 

果園除了士多啤梨還有少量其他蔬果 .

 

蕃茄花原來係咁得意0既 , 

都有很多番茄仔但未熟 , 我諗遲多個零星期就成熟了 .

這種唔知係乜蔬果的花 

西蘭花衹得一個冇得揀 , 唔摘住 .

 粟米

 這棵粟米已經比我帶咗番屋企 , 等住明日炮制佢 .

 還有捲心生菜和普通生菜

我們唔駛一小時已經摘完士多啤梨離開果園 . 

途中看見這種花幾特別剛想影低佢 , 

竟然有隻不速之客 " 蜜蜂 " 送到上門 , 梗係要影埋佢喇 .

這些果實就係上面棵花0既 , 

唔知係乜 ? 相公話係檸檬 , 我覺得唔多似嘞 !

粟米和士多啤梨就係我們今日的收穫 , 

紅卜卜唔好等嘞 , 好甜呀 ! 

呢棵都係在元朗市集買的 " 薄荷葉 " 

但店員話這棵薄荷葉係檸檬味0既 , 奇怪 !