湘川滬食晏

颱風過後連續兩天都落大雨 , 終於今日我住的地區下雨稍為細了許多 , 

但有些地區仍然下著滂沱大雨 , 這兩天除了到超市買餸外 , 

其他時間都是呆在家中上網和睇電視 , 今日天色稍好靜極思動 , 

我和相公先到湘川滬食晏 , 吃飽飽就周圍行下 . 

差不多兩個月沒有到湘川滬吃東西 , 這裡的茶葉都算唔錯的 , 

今次試飲碧螺春茶葉 , 入口甘甘地少許苦澀味 ,

飲一口茶再食嘢, 頓時覺得少許甘甘地 . 

食物叫了 : 

小籠包、酥皮蔥油餅、素菜包、三鮮炒拉麵

幾樣食物送來都是熱騰騰 , 這樣我給他加了分 , 味道都唔錯 . 

小籠包

酥皮蔥油餅熱辣辣外皮很酥脆 , 

吃起來濃濃的蔥味溢出 , 但吃第二件就感到膩 . 

素菜包裡的菜切得很幼細 . 

三鮮炒拉麵食材有 : 雞肉、蝦、海參、韭黃和銀芽菜 . 

吃飽飽在商場周圍逛下 , 

現在商場很會賺錢 , 原本商場行人路很寬闊 , 

但最近添加了很多細細的櫃台租給商戶做生意 .

無意中看到這個櫃台擺賣著各式各樣意粉和零食 , 

店主樣貌似土耳人 , 咁面熟0既再睇真 d , 

哦 ! 係佢0既 , 他原本在第一期商場二樓已開業大半年 , 

最近他的店舖結業了 , 心中好像有點失落感 , 

以前我久不久都會幫他買意粉 , 雖然價錢好似比超市稍貴少許 , 

但每次我和相公行經他的店舖 , 他總是很熱情地向我們推銷貨品 , 

所以我和相公都願意出多少許錢幫襯他買意粉 , 

今日看見他在這裡開檔 , 好似見到舊朋友一樣咁開心 , 

問他為何不在二樓擺賣要到這裡開業 , 

他說樓上店舖位置太陽好曬 , 好攪笑通常洋人都好鍾意曬太陽 ,

他太太係亞洲人 , 相處得耐現在他也變成亞洲人了 . 

今日唔買意粉了 , 因為上次幫襯他買了幾包都未食哂 , 

但又唔想他失望 , 便幫襯買包即食無花果乾 .

這盒無花果乾 $ 70 好似貴咗少少 , 無所謂喇他新開張幫襯下 .

還有其他櫃台新開張 , 賣些手提電話外殼和飾物 . 

行完商場再到公園逛逛 , 

看到好幾棵樹都被前日的颱風吹到連根拔起 .