夏日冰川競技場 VS 夏麵館黃魚煨麵

今日早上突然雷聲大作還伴著閃電 , 

隆隆之聲不絕 , 好嚇人啊 !

慘喇 , 今日仲約咗從加拿大回港的表妹飲茶添 , 

咁大雨好容易變落湯雞0架喎 . 

喔 ! 差不多中午雨和雷聲都停了 . 

呵呵 ! 我和相公立刻出發到銅鑼灣赴約 .

到達目的地還未夠鐘應約 , 在附近逛下 .

剛巧遇上王喜正在街上訪問路人 .

覺得佢在劇集裡的消防員 look 好睇 d . 

我們一行三人到皇室堡樓上飲茶 , 

跟表妹五年幾沒有見面談不盡的話題 , 

飲完茶都仲未傾完 , 便到她的住處繼續傾過 , 

哈哈 , 我們真係雞啄唔斷 , 

終於我覺得唔好意思坐咁耐才離開 . 

我們折返皇室堡睇嘢 .

現場擺放了很多攝影器材 , 有咁多人等 , 

我諗一陣梗係有嘢睇 , 我們又等埋一份 . 

司儀介紹今日出席這套戲配音的明星 : 

官晶娜、李燦琛、應昌佑、少爺占   

李燦琛真人同電影差不多樣

接受訪問 

官晶娜真人都幾靚女

少爺占

我仲以為有乜嘢睇添 , 原來衹係玩兩個小兒科遊戲 . 

請現場觀眾扮下嘢 , 現場太多人圍觀及影相 , 

逼得利害我們登上二樓去 . 

散場喇 ! 

晚飯時間到了 , 

我們懶得周圍搵地方吃飯 , 

走到樓上的夏麵館吃麵 .

很久沒有到這裡吃麵 , 記得以前在這裡吃過黃魚煨麵印象唔錯的 ,

今次我們叫了 : 黃魚煨麵、蔥油餅、鮮肉水餃、高力豆沙  

蔥油餅熱辣辣好香蔥味 , 餅面很脆入面很軟熟 , 好味呀 !

黃魚煨麵維持一貫水準 , 魚湯鮮味 , 黃魚很新鮮又滑冇骨 , 好味 ! 

鮮肉水餃皮稍梗肉饀很瘦有肉味 . 

高力豆沙唔肥膩 , 皮很薄稍梗豆沙饀很多 .