元旦日舊地重遊 ○ 寶蓮寺

今天是2013年新的開始 , 

我和相公參加了屋苑會所攪的大嶼山一天遊 , 

行程包括 : 昂平市集、寶蓮寺、大佛、大澳水鄉 .

n ...... 年前我和相公曾經到過寶蓮寺 , 

今次再踏足寶蓮寺 , 周圍都係國內遊客 , 

話哂寶蓮寺都係佛門之地 , 照計係好清靜 , 

但現在變得太熱鬧和商業化了 .

到達昂平市集 , 感覺好像在市區鬧市當中 , 

超多國內遊客 , 商店也很多 .

許願樹 , 好似係假0既 .

遠遠看見這位國內遊客 , 

正在把手中硬幣企圖掉上銅像手中 , 但掉了兩次都不中 , 

她想再拾起地上硬幣再試過 , 我心裡突然有點不高興 , 

好端端一個銅像 , 為何要掉硬幣到她手中呢 ? 

她一點都不專重我們香港的文物 , 銅像下面明明寫上 : 

【 保護文物 , 請勿投幣 , 免損功德 】

當我想到這裡 , 心裡真是感到不是味兒 , 

我要阻止她繼續這樣做 ,  我跟她說了兩次不要掉硬幣啊 !

她竟然借咗亞陳對耳扮聽唔到 , 或者扮唔識聽 , 

繼續想拾起硬幣再掉 , 我突然把聲音提高八度 , 

喂 : 小姐請妳看看下面已寫明不要投幣0架 ! 

呵呵 ... 成功了 , 她沒有再掉 , 

當我從心中笑出來之際 , 突然後面傳來嘻笑之聲 , 

回頭看看 , 又有幾位國內遊客掉硬幣上銅像 . 

唉 ..... 我諗除非擔張凳仔 , 

仲要用埋大聲公廣播才可以保護到銅像了 . 

他把硬幣很用力掉上銅像身上 , 

唔通咁年青都唔識字0既 ? 

寶蓮寺範圍內還有建築物興建當中 .

印象中的寶蓮寺唔係咁樣0既 . 

連吃齋菜的地方都變得那麼商業化 . 

寶蓮寺範圍內隨處看到很多狗隻 , 

悠閒地周圍逛 , 還有很多躺在草地上睡覺 . 

第一眼見佢身體摟曲反哂肚瞓在草地上 , 

郁都唔郁仲以為佢 C 咗 . 

引來成班人圍觀 , 

看了差不多五分鐘 , 狗狗都沒有郁過 , 

期間圍觀的人都在哈哈大笑 , 

狗狗都不會被吵醒 , 超眼瞓啊 ! 

跟住還有位女生摸牠 , 佢都冇感覺0既 , 好攪笑 ! 

夠鐘返回旅遊巴士到大澳水鄉 , 食午飯同埋行水鄉 . 

待續 ....