利寶閣雙龍宴半席

續 : 譽宴下午茶
我和相公吃過下午茶 , 便隨意在旺角街上看看 , 
昔日的拉車客明顯少了許多 , 
以前我不太喜歡到旺角街上行走 , 
因為經常被那些匆忙的人踩甩鞋跟 ,
但今次竟然好幸運一次都沒有 .
約了相公家人晚上 7 點鐘到奧海城利寶閣吃晚餐 .

人未到齊 , 

先吃點油炸花生和微辣的翠玉瓜素雞 , 

兩款味道不錯 .

62 剛坐下來便趕忙找尋他的至愛餸菜 ,
當看到雙龍宴裡的餸菜有他的至愛龍蝦 ,
立刻雀躍起來 , 嚷著要吃這個餐 , 
我們六大人一小朋友吃半席都足夠了 .
雙龍宴
( 龍躉/ 龍蝦扒 )
小食三款 : 蔥油海蜇 , 八味豆腐 , 香煎素鵝
香煎原隻龍蝦扒
花膠螺頭燉雞湯
金花尾龍躉兩味 ( 翡翠炒班球 , 果皮蒸頭腩 ) 
大澳唐生菜煲
當紅脆皮燒雞半隻 
蔥花瑤柱蛋白炒飯
雙菰炆伊麵
滋潤甜品 , 特式美點 .
當我們落單後 , 
部長回來說單據上的花膠螺頭燉雞湯賣哂 ,
要改成三果瘦肉湯
喔 ! 環看酒樓座上客不多 , 湯竟然咁早賣哂 ? 
心裡總覺得有點兒那個 .

蔥油海蜇好爽口 .

八味豆腐 , 外脆內滑好好味 .

可人兒愛吃炒飯 , 

我們通知廚房先來蔥花瑤柱蛋白炒飯 ,

炒飯熱辣辣爽口夠鑊氣唔油膩 , 肚開始餓了 ,

所以特別覺得好好味 ,

翡翠炒班球

班球和西芹都爽口 , 味道較清淡 .

當紅脆皮燒雞半隻 

皮炸得脆脆 , 雞肉醃得幾夠味 . 

果皮蒸頭腩

味道唔錯 , 但件件都係骨 , 肉極少 .

呵呵 62 的至愛來了 , 香煎原隻龍蝦

我唔食龍蝦的 , 衹用眼睛品嚐 ,

聞到陣陣喇沙醬和椰汁味賣相唔錯 , 

龍蝦唔似煎過相信衹是泡油 , 再用醬料燴熟 ,

相公話龍蝦肉爽口都幾鮮甜 . 

大澳唐生菜

侍應員把燒得酷熱的瓦煲加上蝦醬快炒生菜 , 

份量很少味道不錯 .

三果瘦肉湯

我看見梨和排骨沒有其他果 .

湯清清地味道不錯 .

小食香煎素鵝本應在餐前吃 , 但廚房遺忘了 ,

要我們通知才趕忙送出 ,

素鵝炸得脆脆 , 饀料有木耳紅蘿白等 . 

香菰炆伊麵熱辣辣但稍鹹 .

椰汁糕軟糯唔太甜 

紅棗糕一般我較愛吃杞子桂花糕 .

紅豆沙又係 62 的至愛他連吃三碗 , 

看見他吃得津津有味 , 

我淺嚐少許甜味適中 , 紅豆大大粒煲得很綿 ,

但顏色紅得唔太自然好像加了顏料 .