即叫即燒雞 " 點煲 "

到屯門市廣場食煲仔飯 

" 點煲 " 今次係第二次幫襯 , 

這裡有兩種套餐 : 

1 . 羊腩煲 + 煲仔飯 

2 . 醉鍋雞+ 煲仔飯 

上次食羊腩煲覺得好啱食 , 

今次諗住食醉鍋雞 , 

但看見好幾枱客都食即燒雞 , 

我們也改變之前想法 , 轉食燒雞唔食醉鍋雞了 . 

改食散叫的金銀蒜龍躉煲仔飯和梅菜肉餅煲仔飯 .

伏了 ! 都係食套餐抵好多 .

先來龍躉煲仔飯 $ 149

這個樣子是我加咗醬油稍為好樣的 , 

原本是白白一片薑葱都冇粒 .

衹有乾巴巴炸過冇味又硬的蒜粒 , 

可能煮飯姐姐太忙了 , 忘記落薑葱  .

雪龍躉肉有三件冇味又乾又嚡 ( 伏了 ) 

飯煲得爽口 , 飯焦太乾硬難食而且完全沒有魚味 . 

梅菜肉餅煲仔飯 $ 91

樣子較為好樣起碼加上葱粒 , 

肉餅味道一般 , 飯煮得較差 ( 腍 )

備長炭火燒雞原價 $ 198 現優惠價 $ 138 

雞送來好熱 ( 熱到噴微煙 ) 

我們不敢動手按它 , 待放涼少許才出手 , 

加配普洱茶每壼 $ 12

燒雞制作需半小時至四十分鐘左右 , 

食完煲仔飯已飽 , 衹想食雞腿 , 

其他部位一於自家手撕雞打包回家 .

雞腿燒得好乾身皮唔脆 , 

腿肉好乾要花點牙力 , 雞其他部位的皮都脆 , 味道唔錯 .

雞送來付帶工具 , 

有較剪 , 濕紙巾 , 圍裙一件,  

隔熱手套和膠手套 , 

還有攪笑的 " 剪雞大法 " 秘訣 , 

我們沒有跟它的做法 .

" 星公館 " 下午茶 + 方便現成燒羊架

返完跳舞班到屋苑會所的 " 星公館 " 飲下午茶 , 

我們慢慢散步前去會所 , 到逹會所剛好下午茶開始 , 

這間酒樓幾個月前開張 , 

我們已飲過一次茶 , 吃過兩次晚飯 . 

剛開始營業沒有下午茶時段 , 

早前剛在信箱收到廣告現在附設下午茶 , 

今天特意試試 , 回想當初這裡開張 , 

工作人員未適應操作 , 導致混亂情況 , 

嚇怕眾街坊 ( 包括我們在內 ) 

今天人客都有七成左右 , 

這裡唔太就腳有這個成績算唔錯了 .

混亂情況已改善 ! 

聖誕將臨會所把大堂佈置一番

.

...............................................................

下午茶位 $ 5 

比好多茶餐廳還要平 , 孖寶點心 $ 38.8 

我們叫了兩個孖寶 , 一個特惠點心 . 

殿堂叉燒湯瀨粉 $ 38 

叉燒好肥有燒邊 , 味道甜甜地好腍 , 

瀨粉比較幼身唔硬份量好多 , 蘿蔔好甜 .

芝麻紅豆茸煎堆仔 $ 18 

炸得外皮鬆脆 , 裡面軟軟的 , 

紅豆茸略為少 , 唔太甜抵食又好食 .

薑汁千層軟糕 

糕微甜好軟糯 .

生煎涼瓜綾魚餅 

綾魚肉混馬蹄粒芫茜還有少量疑似涼瓜碎 , 

( 因為唔覺苦味 ) 魚餅熱辣辣煙韌味道唔錯 . 

自制鮑魚汁鮮竹卷 

汁太杰腐皮好韌 , 饀料豬肉幾新鮮味道唔錯 .

鮮元貝花菇燒賣 

元貝鮮味欠奉 , 

燒賣大大粒 , 蝦好鮮甜肉饀很新鮮 .

................................

現在買餸比以前方便得多 , 

衹要到超市逛逛便可 . 

蒜子椰菜 

豉汁蒸急凍黃立倉 

現成的香草燒羊架 , 肉比較生翻煎一下便可開餐 .

黑眉豆豬尾湯

超市豬肉攤位甚少豬尾擺賣 , 

今天竟然有二包之多 , 買回家煲黑眉豆湯 .

鹹蛋雞蛋肉碎蒸豆腐 

蒜子迷利椰菜仔 , 

椰菜仔以前未買過 , 

衹在餐廳食過 , 覺得味道都可以 , 

街市菜檔有擺賣( 好新鮮 ) 但要買兩磅 , 

未煮前先放到滾水中灼過 , 

諗住咁細粒好容易煮腍 , 原來係好硬的 , 

煮超過10 分鐘都唔腍 , 味道跟餐廳差好遠 , 

還有一磅唔知煮咩好 .

黑眉豆紅棗豬尾湯

黑眉豆前排在瑪莎百貨買回來 , 

今日終於用來煲豬尾湯 , 

黑眉豆煲開了 , 湯好濃郁味道不錯 .

 

胡椒豬肚湯 " 一粥麵 " + 即食花膠

假期出外覓食較麻煩 , 

所以最好都係食快餐之類的食肆 , 

今餐到 " 一粥麵 " 食煲仔飯 , 

餐牌上增加好幾款新菜式 ,  

其中胡椒豬肚雞鍋都幾吸引 . 

胡椒豬肚雞鍋  $ 68 

餐配白飯一碗和少許生菜 白飯好大碗 , 

湯未翻熱前先把紅辣椒攞走( 擔心太辣 )

 待湯滾一陣飲幾口豬肚湯 , 

味道微酸辣好好味 , 雞肉好滑還有雞味 .

鮑魚臘腸滑雞煲仔飯 $ 71 配中國茶

前排已食過一次 , 鮑魚有口感雞件一般 , 飯稍腍 .

....................................

回家飯後甜品 : 牛奶花膠

早前行過某店門前擺放即食牛奶花膠 , 

店員介紹得唔錯 , 味道有四款 , 

她當然話款款都好食 , 

難於決斷索性買哂四款好了, 

四種味道分別有: 椰汁 ,  原味 , 抺茶紅豆和紫糯米 

包裝裡除玻璃樽盛花膠外 , 還有膠小匙 ,  

店員口中的牛奶花膠好似煮溶像啫喱狀 , 我誤會了 ! 

我們先食抺茶牛奶花膠 , 

內容裡有已凝固的牛奶中 , 

有些像姆指頭大的花膠混入其中 , 

還加少許好綿的紅豆粒 , 

花膠有口感 , 味道好輕微甜 , 

如果唔太愛吃甜食的就最啱了.

 

墨魚乾節瓜湯

平日如沒有節目總是到超市逛逛 , 

看看有什麼新貨品 , 

聖誕節將臨超市佈置已好有聖誕氣氛 , 

很久以前我都會買少少聖誕物品佈置一下 , 

但現在沒有這些興趣了 ,

衹是買點餸菜便回家 , 

今晚煲最簡單的節瓜湯 , 炒白菜和炒蛋 ,

淮山 , 茨實 , 椰果 , 墨魚乾 , 

瑤柱 , 豬展 , 節瓜湯 

清炒白菜 

松子仁叉燒炒蛋

 

抵食全包宴 " 海港酒家 "

轉眼一個月過去了 , 

好友聚會今次到荃灣中染大廈 " 海港酒家 " 

出席人數10 位 , 

今次食超值全包宴

 茶芥全免又不用加一 , 

還有百威啤酒三枝或飲品兩渣  $ 1998 

可供12位用 , 衹在星期一至四供應 .

海港燒鵝皇 ( 一隻 ) 燒鵝微暖 , 

皮少許脆醃得好入味 , 

還有竹笙海皇燴燕窩忘記影相 .

百花釀蟹鉗 ( 十二件 )

 個子好大 , 外皮炸得好脆 .

私房欖豉蒸龍躉斑 ( 二斤 ) 

魚好新鮮 , 

但用了欖豉來蒸有點浪費新鮮的魚 .

原隻鮑魚扣花菇 ( 各十二件 )

柚子蜜蝦球 ( 十八 隻 ) 

多點柚子蜜更加好味 , 我食個件蝦唔太新鮮 .

蟹粉扒豆苗 ( 大 ) 

西蘭花炒花枝珊瑚蚌 ( 大 ) 

臘味糯米飯 ( 中 ) 

每款餸菜份量足夠12位用 , 

但我們衹有10 位 , 

糯米飯無人問津 , 

最後有朋友捱義氣打包回走 . 

歡樂大蟠桃 ( 十二個 ) 

饀分別有蓮蓉和奶黃

芒果糯米糍

紅豆沙

飯堂 " 潮潮居 " + 自家雜糧

今日又去我們的飯堂飲茶 " 潮潮居 " 

今次叫了兩份孖寶點心 ( 每份孖寶 $ 38 ) 

另外再叫二款正價點心 ( 每款 $ 26 )茶位 $ 13

紫薯流沙煎堆仔

上次食過好食今次再叫 .

濃湯生菜魚滑 

湯一啲都唔濃冇味 , 魚滑有果皮味 , 味道一般 .

蠔皇鮮竹卷味道一般

鮮竹牛肉球 

有果皮芫茜和馬蹄味道配得好好 .

四寶滑雞扎 $ 26 

魚肚發得好靚大大件鬆軟好味 , 

芋頭好粉 , 雞好大件有雞味 , 下次都會再食 .

瑤柱珍珠雞 $ 26 

糯米很爽口唔太肥膩 . 

..........................................

晚餐 : 雜糧 

下午茶食得太飽 , 晚餐改食雜糧 

肉片皮蛋粥 , 青豆角炒腸粉 , 灼菜蕊 . 

很久沒有煲皮蛋粥 , 

刻意煲粥差不多好才放皮蛋和瘦肉 , 

結果皮蛋差不多熔哂 , 杰撻撻像砵仔糕 .

排骨炆白蘿蔔

傳聞冬天食白蘿蔔對身體好 , 

但唔知如何選擇 , 所以甚少買 , 

今天行過菜檔大大個白蘿蔔每個任揀 $ 6  , 

好吸引求其攞一個試試 . 

雞蛋炒椰菜 

排骨炆白蘿蔔 , 蘿蔔好甜又嫩好好食 .

瑞士汁雞翼 瑞士汁一下失手落得太多了 .