" 小皇府 " 晚餐

出省到旺角逛逛 , 人流好似較前旺了許多 ,

 晚飯到新世紀廣場的" 小皇府 " 

店內冷清清 , 我們心裡有小許擔心是否食物嘛嘛 ! 

 所以少客呢 ? 

好彩食物都算唔錯的 , 

有下次 !

茶位 $ 12

帶子福建炒飯 $ 138 

蛋炒飯粒粒分明爽口油份唔多 , 

其他配料好豐富 , 

蝦雖然唔大隻但幾鮮甜 , 

帶子細細粒沒有鮮甜味 , 

整碟炒飯好味份量多得很 , 

我倆努力才吃了 三份之一 , 

其他要打包回家 . 

小蜜蜂流沙包 $ 40 

做型都算似 , 裡面的流沙饀當咬一口 , 

流沙立刻從近尾部唧出 , 

我以為衹是一不小心有這個下場 , 

相公比我更利害 , 

剛咬下包近尾部同樣噴出流沙饀來 , 

差啲往身上去 . 

台式脆蝦腸粉 $ 50 

腸粉好薄捲著脆脆包著好大隻蝦 , 好鮮甜美味 .

濃雞湯雲吞 $ 58 

湯味好濃郁好味 , 

雲吞二隻饀內有蝦好鮮味 , 還有一件雞 .

原隻花膠灌湯餃 $ 72 

好大隻花膠 .

灌湯餃的饀好一般 .湯很好味 .

果然真是原隻花膠 , 

幾厚肉腍度剛好有膠質感 .