旺角 " 自家點心 "

今日約了相公家人到尖沙咀K 11 的 " 大都烤鴨 " 食晚飯 , 

反正都要出省 , 中午放學便和相公立即到旺角食嘢 , 順便行街 . 

今次目的地係 " 自家點心 " , 前排看到 blog 友回港食過 , 

口碑唔錯引到我都好想幫襯下 , 去到已經下午二點幾 , 

門外有幾個人等位 , 好彩剛好有兩個座位 , 我們立即可以入座 , 

環境幾乾淨 , 在座有幾位洋人正在食點心 , 他們都好識食 . 

這裡的點心紙個別有些點心 , 可以寫明該項點要幾多隻 , 

不過起碼要兩隻 , 很適合人少少但又想試多些其他款式的點心 , 

今日太晏到這裡 , 我們 6 點鐘便要應約吃晚飯 , 

唔想食得太飽 , 影響晚餐唔開胃 , 所以酌量試下 , 

我唔食蝦衹叫兩隻水晶蝦餃皇給相公 . 

蟹籽燒賣皇我都係唔食0既 , 又叫兩隻比相公 . 

雪山叉燒包 2 隻 , 叉燒很稔滑又唔肥 , 

包底較為肥膩 , 不過個包好好味 .

潮州粉果 , 味道一般 . 

叉燒腸粉 , 叉燒同樣好味稔滑 , 腸粉好滑 " 讚 " 

食完點心便到花墟睇花 , 

春回大地各式各樣的花卉開得很燦爛 , 

而且價錢好平 , 但可惜約咗相公家人食晚飯 , 

唔想攞住盆栽周圍逛 , 衹可以齋睇 , 

跟住行去花園街睇下嘢 , 街道比以前寬闊咗好多 . 

待續 ..........