K11大都烤鴨晚餐

我們一行七人到 " 大都烤鴨 " 店內面積唔算太大 , 

大部份座位都是四人卡位 , 全店衹有三張枱可供6-8人坐 , 

我們訂了6點鐘那個時段 , 他們講明 8 點鐘就要我們交枱 , 

可能時間關係 , 出菜速度非常快 , 差點食唔切 .

這間店很奇怪用生果作前菜 . 

雕皇醉鮑 , 可能是冷盆關係 , 食唔出鮑魚鮮味 .

水晶鴨舌

用類似啫喱的食材包著一條已拆骨的鴨舌和芫蕃 ,
 外面飾以玫瑰花瓣構思很別緻 , 鴨舌味道一般 .

烏鎮餚肉

擺設得好靚 , 食落好似同其他食肆做法唔相同 , 

餚肉面層好似係啫喱入口即溶 , 唔似其他食肆的餚肉 ,

 吃在口中有少許煙韌似有膠質的 .

北京填鴨半隻 , 看樣子較為瘦削 , 

我記得以前吃過北京填鴨 , 外皮很豐滿吃起來甘甘地很香口 ,

 可能現在人人都很注重健康 , 食肆都用較瘦削的鴨做這個餸 , 

我覺得改良之後同平時食的廣東燒鴨沒有太大分別 ,

 吃不出以往那種甘香美味來 .

炒鴨肉碎

二鬆叉子燒餅 X 2 , 我衹影了一客 , 

因為每客衹得四件 , 唔夠分叫了兩客 , 很脆口 .

淮陽灌湯小籠包 , 包內肉汁很鮮味又唔肥膩 . 

蘿白絲酥餅 , 饀內蘿白絲很好味 . 

黃金豆腐外皮脆脆 , 裡面的豆腐很滑 , 味道很清淡 .

七寶魚頭 , 數唔出有七樣食材 , 味道一般 .

開水白菜 

名符其實清淡如開水 , 朵花用津白整成 ,

 上面飾以紅蘿白碎作花蕊 , 靚靚但冇乜味0既 .

鮮肉鍋貼

煎得微黃看得出幾有心機煎 , 味道唔錯 .

胡同牛肋骨 , 相公話似牛腩很好味 , 

我唔食牛但我對碟裡那支長長東西很有興趣 , 

睇咗一輪原來係一支牛骨做配襯 , 碟底是荷葉 .

炒飯個名好似係淮陽拾景炒飯 , 唔油膩都幾爽口好味 . 

鴨肉粥

我沒有吃粥不知味道如何 , 相公又係嗰句好食 , 

食材大概有鴨肉碎 , 米通 , 白米 .

最後侍應姐姐介紹的飯後甜品 " 甜心滋味鴨子酥 "  

一籠衹有四隻 , 饀係奶黃加少許青蘋果肉 , 味道都唔錯 .

十大以小為尊 , 先給可人兒一隻鴨仔餅 . 

食飽飽笑得幾開心 .

喔 ..... 冇嗱 !