The One 明珠小館晚飯

前兩日相約相公家人一齊到尖沙咀吃晚飯 , 

地點係The One 商場裡的明珠小館 , 

這間店是姪女前排行過見佢剛開業不久 , 所以相約一齊嚟試下 , 

店內部唔算大 , 大部份枱都係細枱 , 整間店得兩張6人圓枱

我們一行7人坐6人枱 , 擺食物顯得好亂 , 

當我們打開餐牌揀餸更覺得亂 , 因為餐牌裡的餸菜款式唔多 ,

大部份都係麵和小食, 甜品全都是一人份量 , 

我們成家人一路食就一路再叫食物 , 好攪笑 ! 

當食物送來每樣的份量都係細細 , 相信女士食完都唔會太滿足 , 

我覺得這間店較為適合午飯或下午茶 .

 花雕酒醉雞

 招牌擔擔麵

 脆皮奶黃包本來係炸的 , 但給小朋友吃衹要蒸 , 

三個包個子很細小 , 但價錢就唔算小了 , 

可人兒可能太肚餓或者幾個包實在太細個 , 

她一個人差唔多食哂三個包 . 

可人兒放學午睡後沒有吃東西便出來 , 肚仔餓冇乜表情 . 

  

好肚餓呀 ! 咬 

 四川酸辣羹 

嘩 ...個碗好淺超細碗 , 一個人食都嫌少 .

富貴黃金磚 , 豆腐外面幾脆裡面很滑 .

 齊菜黃魚羹 , 又係一個人食都嫌佢少 

這碗羹一啲魚味都沒有 , 味道淡如開水加粟粉 , 

黃魚好細件但唔知點解超多骨0既 

咪攪我最怕骨 , 給相公吃罷嘞 ! 

 百頁紅燒肉 

肉味道唔錯都幾嚡要夠牙力慢慢0趙 . 

 番乾馬蘭頭味道幾清新 

 蝦油伴麵 

食嗰時我都唔知係蝦油伴0既 , 我以為齋麵 . 

雞汁濃湯浸上素 , 又係食唔出雞汁浸過 .  

蒽爆牛拉麵 

呢款沒有吃過 , 看下面相中的可人兒吃麵 , 

就可以知道味道如何 . 

可人兒媽咪話 , 這碗麵稔蓆蓆最啱可人兒和 62 食 .  

 燒汁焗大蝦得兩隻 ? 

62 至愛梗係比一隻佢食喇 , 好彩我唔食蝦0既 , 

剩番一隻要分比四個大人食 , 

剪到隻蝦唔知似乜 

 椒鹽九肚魚  

我地諗住款款餸咁細碟 , 諗住佢都係得兩三件

估錯了 , 竟然有咁多件 , 炸得很香口好好味 . 

桂花酒釀丸子

 紫米香芒卷

 八館八寶甜湯

食材係平時煲的清補涼糖水 , 

份量太少食唔到淮山和元肉 , 但有杞子和紅棗 .

茘茸菊花酥三件

咁多款食物我覺得呢款最啱心水  

都係細細件炸得好脆 , 我兩啖就食哂成件lu .

食完麵看見商場聖誕佈置的熊仔幾可愛 , 影番幾幅相先 . 

 可人兒還未熱身冇乜表情 , 

跟住幾幅相係佢爹地幫佢影的 . 

幾識擺姿勢 !