聯邦皇宮下午茶

我和相公都很喜歡吃美心酒樓的三色糕 , 

可惜他在幾個月前結業了 , 

原址現在開了 " 聯邦皇宮 " 並且在上月25 號已開始營業 , 

本來好想去試試 , 但太忙未能成行 , 

前兩天放學乘屋苑車回家途中 , 

聽到兩位太太談論這間酒樓 , 似乎對食物唔太滿意外 , 

連茶都唔多啱口味 , 心稔各人口味不同 , 我都去試試 . 

酒樓全新裝修比以前舊酒樓光潔明亮 .

我們2點幾才到酒樓不用等位但要搭枱 , 

事前門外接待員並沒有說明要搭枱 , 算吧搭就搭喇 .

同枱已有一位男士食緊點心 , 

我平時很少飲茶葉茶 , 所以到酒樓定必叫多一壺滾水 , 

喔 , 侍應忘了給我滾水 , 跟她說滾水還未有 , 

她說滾水係跟同枱共用的 , 乜話咁都得 ? 

同枱男士已食緊點心 , 即是佢已坐咗唔少時間 , 

壺滾水咪凍咗囉 , 而且心裡總覺得同陌生人同飲一壼滾水 , 

好似有點兒那個 , 逼於無耐我衹好破例飲茶葉茶 . 

叫了五款點心 : 

紅油抄手、蟲草花什菌、

雞包仔 " 售罄 " 改為奶皇包、

鮮茄鮮竹卷和布拉腸粉 . 

 我從未食過紅油抄手係咁0既味 , 

咩味都冇衹有辣和酸醋味 " 差 " 以前在其他酒樓食的雲吞 , 

裡面豬肉饀是碎肉 , 今次6隻雲吞中 , 

有一隻裡面的豬肉係成嚿 , 好驚佢唔熟唔敢食 . 

 蟲草花什菌很濃味 , 味精稍多 . 

 原本想食雞包仔但售罄 , 

改為點心紙上寫住 " 必食 " 的奶皇包 , 

抱著期待好味包包 , 奶皇饀味道一般 , 

外面白色部份更吸引因為太厚了 . 

 鮮茄鮮竹卷 , 鮮竹卷配上鮮茄味道唔太夾 , 

好似怪怪的 , 覺得傳統做法較好味 . 

幾款食物都唔啱口味 , 諗住腸粉都可能麻麻 , 

又唔係噃 !  腸粉滑滑唔錯 , 但醬油淡茂茂 . 

總括嚟講幾款食物都淡茂茂無嚟味道 , 

連茶都麻麻 , 最唔鍾意要同陌生同飲一壼滾水 , 

以後可以諗少間了 .