和平飯店 " 幸福二人餐 "

到外面吃晚餐經常覺得叫餸菜是件難於取捨的事情  , 

所以見到有套餐供應我們大都會食的 , 

今次 " 和平飯店 " 也有名為" 幸福二人餐 " $ 478 

另收每位茶錢 $9 和加一服務費 . 

我們因應菜單上的選擇 , 

好快先送來兩盅竹笙海皇豆腐羹 , 

味道好好分量也十分豐富 , 

材枓有豆腐 , 魚肉 , 竹笙 , 蝦, 帶子 , 蛋白 , 

未及食完這盅羮 , 其他餸菜已陸續送來 , 

我們坐的四人枱好快便放滿食物 . 

立時間不知先吃那款先 . 

想著想著都是先吃熱葷比較適合 .

五香牛展擺設好整齊 , 冷盤放埋一邊 .

鎮江肴肉我本愛吃 , 

但已定了先吃熱的 , 又放埋一邊 . 

京蒽爆牛肉熱辣辣 , 大蒽的味很香但較硬身 , 

牛肉腍度適中味道可以 .

糟溜魚片我們最鍾意這款餸 , 

吃起來有少許酒味 , 但一下子想不出是什麼酒 , 

完全沒有魚腥味真不錯 , 

剛好侍應姐姐行過問食物啱食嗎 ?  

我順口問她這餸用咩魚做的 , 

她好認真地答係黑魚 , 好多客人都話好食的 . 

黑魚係咩魚呢 ? 相公話可能係生魚 . 

上海粗炒放在大碗中顯得好少 , 

其實份量應該三人都夠食 , 

麵炒得夠鑊氣 , 少許油膩 , 

( 通常外省館子都比較油和深色 ) 

不等你小籠包

個名好得意 ( 但唔明什麼意思 )

皮厚薄適中 , 裡面湯汁幾鮮味 .

高力豆沙樣子做得唔錯 , 

我覺得算靚了 , 紅豆饀唔太甜蛋球皮略嫌實了少許 .

二人套餐還有好幾款飲品選擇 , 

但食物太多我們揀可樂拿回家 .

還有冷盤的鎮江肴肉和五香牛展都一并打包回家 .