開年

年初二都係循例中午開年 , 

以前開年我都會煮多幾味餸 , 

餸菜太多食唔哂 , 今年衹諗咗三味餸 , 

而且盡量買現成容易處理的食材 .

蒜蓉焗龍蝦 

( 雪熟龍蝦番焗味道唔錯 , 肉也鮮甜 ) 

現成炆好的紅燒鮑魚豬手 , 

跟豬手的鮑魚衹得四隻炆得幾腍 , 

自己加多 8 隻鮑魚( 第一次買來試 , 但唔腍 ) 

豬手炆得好腍像元蹄味道也不錯 .

栗子花膠炆海參甜豆 . 

( 冰鮮海參預早解凍 , 去腸好容易處理 ) 

 

八寶齋

每逢年初一午飯我們都食齋 , 

今次用了八樣食材 : 

髮菜 , 蠔豉 , 冬菇 , 白果 , 紅棗 , 粉絲 , 黃芽白 , 支竹 . 

 

盆菜

今日年廿十九已是龍年最後一天

 ( 今年沒有年三十 ) 

今年市況較去年熱鬧 , 賀年食品賣到成行成市 , 

由其盆菜各大酒樓 , 

快餐還有臨時散貨場都有擺賣 ( 相信利潤很高 ) 

引得我早幾天前預定了盆菜今天食 , 

行過好多間酒樓和快餐衹有供應 6 人份量 , 

唯有買 6 人餐分幾日食 .

" 逸逸居 " 6 人盆菜 , 盛器好像洗面盆 . 

我唔識整蘿蔔糕以往都是買現成 , 

今年在海港酒樓預定 , 

本來每年我都會自制紅豆糕 , 

今年見到東海堂有栗子小丸子紅豆糕 , 

買一盒試試 , 不用自己做了 . 

恭祝各位網友 : 

新春大吉 ! 盆滿砵滿 ! 

紅運當頭 ! 步步高陞 ! 

身體健康 ! 萬事勝意 ! 

恭喜恭喜！恭喜發財 !

 

" 星 8 冰室 " 煲仔飯

上次幫襯會所 " 星 8 冰室 " 

才知這裡有煲仔飯供應 , 但食物選擇較少 , 

而且重點在燒臘 , 

所以在家先煲個湯才過去冰室 . 

煲仔飯令我們有點失望 .

魚蛋粉 $ 42 

油菜$  10

窩蛋牛肉煲仔飯 $ 68 

我唔太接受生雞蛋 ,

 所以飯送來我們不把蓋拿走 , 

讓雞蛋焗熟透 , 牛肉飯通常是碎牛, 

但這裡是肉片沒有肉味 , 米落水稍多焗唔乾 , 

腍又削無飯焦香 .

好彩早有準備 , 木瓜雪耳蜜棗杏仁素湯 .
 

又自助火鍋

天氣又寒冷起來 , 

最好食火鍋但兩個人唔買得幾多款食材 , 

又到 " 潮潮居 " 食自助火鍋 .

 

" 星8 冰室 "

屋苑會所除了 " 星公館 " 粵菜 , 

還有 " 星 8 冰室 " 

食品像普通茶餐廳水準 .

手打魚蛋魚片頭銀蘿湯河粉 $ 45 配熱咖啡加 $ 3

咖喱薯仔雞扒餐 $ 58 跟蘿宋湯 .

..........................................

晚餐 

青紅蘿蔔豬展沙蟲乾椰棗杏仁湯 , 

今次煲埋餘下的沙蟲乾 , 

沙蟲乾之前煲過一次已知湯味好清淡 , 

今次特別加多幾粒瑤柱調味 , 

豆腐蒸美國雪銀雪魚扒 , 

用蒜頭豆豉蒸銀雪魚扒 , 

魚肉較實又沒有魚味 , 有點兒伏了 ! 

灼菜心 .

我的飯堂 " 逸逸居 "

又到我們的飯堂 ( 逸逸居 ) 食晚飯 , 

今餐叫了抵食三寶餐 $ 338 

另加波士頓龍蝦伊麵 ( 現在正在做特價 ) 

晚茶位 $ 15 

波士頓龍蝦伊麵 $ 168 

龍蝦好鮮甜美味 , 

伊麵煮得剛好吸哂龍蝦汁好味 . 

翡翠炒龍躉球 

魚好新鮮厚肉 , 

魚皮厚厚地食起來覺得有些微煙韌 , 

味道清新 , 翠玉瓜新鮮爽脆甜甜的 .

薑蔥焗美國桶蠔 ( 1桶 ) 

熱辣辣送來好香 , 可惜出菜太快 , 

我們衹好請侍應員把煲蓋著保温 .

蟲草花蒸頭腩 

今餐真幸運全部魚都有肉的魚腩甚少骨 , 

魚皮更加厚但都可以食到 , 

味道配得好啱我們口味 , 

配上雲耳和蟲草花味道好夾 .

出菜太快了 , 轉眼四款餸到齊 .

蠔焗熟仍有這個體積算幾大 , 

蠔好新鮮又肥美 , 可惜有少許細細的沙 .
 

" KAYA "

年近歲晚市況明顯熱鬧起來 , 

我倆也出外逛下趁熱鬧 , 

近近地到屯門順道吃晚飯 , 

以前曾經行過 " KAYA " 好幾次 , 

但都沒有想入內的意欲 , 

今次站在門外的知客面帶笑容禮貌地向我們招手, 

還說現在仍是下午茶時間喎 . 

我們又提早食晚餐了 ! 

無骨海南雞飯 $ 68 蟲草花湯 + 自選白飯 , 

雞份量唔少較瘦味道一般 .

餐茶要另加每杯 $ 3

熱咖啡唔夠熱麻麻地 

熱桔仔話梅水 , 

飲品裡有一顆話梅 , 一顆青檸還有些柚子蜜 ,

我淺嘗一口感覺味道怪怪的 , 

鹹鹹地酸酸地微甜唔夠熱的飲品 .

唔啱飲 ! 

街頭雞鴨絲湯粉 $ 49 味道一般 .

班蘭咖央多士 $ 40 

多士微熱烘得微脆 , 

咖央醬幾豐富加塊鮮牛油 , 好好味 .

我倆被安排坐離地一級的卡位 , 

稍一不留神就會跌倒 . 

除了卡位還有間隔較清雅座位 .

 

元朗型點 " 堅信號 "

 " 堅信號 " 愈來愈多分店 , 

今次這間店位於元朗型點 , 

這間已是我見的第4間 , 

以前三間分別在 : 灣仔, 荃灣 , 屯門 . 

現在生意難做 , 

他的下午茶時段延長至晚上 6: 00前都可以點餐 , 

正好方便我們當晚餐便宜少少 , 

四間店我們最鍾意這間 , 坐位算鬆動清潔 , 

侍應員態度也合格 , 食品也不錯 .

下午茶餐跟一杯飲品 , 

我們較愛喝熱豆漿 , 但要加 $ 3杯

追加點心 : 生煎包 $ 15 二個

熱辣辣裡面湯汁多又好熱 , 包底脆脆地 , 

不愧是他的主打食品 , 好吃 ! 

四川擔擔麵 $ 43 小辣 

除了芝麻醬還有少許花生碎 , 

濃濃的湯加少少肉碎真不錯哩 .

追加點心 : 灌湯小籠包 $ 15 二個 

湯汁頗多味道都不錯 .

上海排骨菜飯 $ 53 

排骨份量好多 , 炸得香口又不會乾 , 

肉鬆軟 , 菜飯的菜好翠綠 . 

" 彩逸皇宮 "

" 彩逸皇宮 " 很久沒有去飲下午茶 , 

酒樓變得有點怪 , 大堂分別間了幾間房間 , 

令到大堂枱位排得密密坐得唔太舒服 , 

食物水準好似不及以前了 . 

茶位 $ 12

雪菜肉絲湯拉麵 $ 28.8

奶皇千層糕 $ 20

香茜牛肉腸 $ 20

臘味蒸蘿蔔糕 $ 18.8

迷你珍珠雞 $ 28

野生熟龍蝦

在健康食品店買回來的加拿大波士頓野生熟龍蝦 , 

未拆開包裝樣子一啲都似龍蝦 , 

本來已熟的龍蝦可以解凍即食, 

我朋友就係解凍即食, 她說好美味 , 

但我有點兒擔心 , 沖洗後番蒸10分鐘才食 .

蒸過的龍蝦樣子都唔錯

未解開包裝 , 包裹得非常密實 .

介紹單章曾講過可以番蒸來食( 但不要太久 )

而且可以把龍蝦頭和売用來煲粥或煲湯 .

拆開來看明顯係蒸過久了. 

龍蝦開邊有非常多蝦子和羔 , 

雖然蒸過火但都好鮮甜 , 衹是肉稍實少許 .

龍蝦頭和売用來煲粥 , 好鮮甜美味 

蕃茄洋蔥牛肉炒意粉 

灼油麥菜苗 .

元朗 " 彩晶軒 "

疫情前曾去過元朗西鐵站口的 " 彩晶軒 " 飲茶 , 

今次再到這裡 , 感覺座位排得比以前密許多 , 

人聲嘈得很 , 撕下紙巾一角捲起塞入耳孔減少躁音 , 

今次叫了三個點心和一碟炒河 , 

茶位 $ 13

後來通知一款點心售罄 , 

我們也不想再揀其他點心 , 衹想快點食完離開 .

碟上荷花葉凸出來好有立體感 ! 

豉椒味菜雞球炒河 $ 88 

盛器係湯碗形大碟 , 份量非常多 .

鑊氣夠炒得好香味道唔錯 . 

北菇燒賣 2隻 $ 21+ 蝦餃皇 2隻 $ 21( 兩款都不錯 )

 

貴妃龍躉餐

近幾年我倆經過健康食品店都會入內看看或買點東西 , 

最近跟朋友講起原來她也在健康食品店工作 , 

早前已到過該店而且還做了會員 , 

每當有新貨或有關外國健康食物介紹都會傳給我 , 

前幾天收到加拿大波士頓野生熟龍蝦消息 , 

引得我倆食指大動到屯門走走 , 

順道到健康食品店買一隻熟龍蝦試試 .

先到附近 " 明星酒樓 " 吃晚飯 , 

酒樓較平民化價錢算便宜 , 

但內部裝修和碗碟都比較舊 .

我們叫了貴妃龍躉餐 $ 275 還叫了糖水兩碗 . 

貴妃雞肉質有口感味道鹹香 , 

但見到有血 ( 我唔鍾意食 ) 

芥香脆龍躉球 

外面炸粉炸得好脆 , 份量也不少 , 魚肉也算可以 , 

味道較淡 ( 可能預客人點芥末 ) 

芥末唔香又冇芥末特有的攻鼻 .

芝士南瓜芋頭煲 

芝士鹹香配南瓜和芋頭好夾好味 , 

芋頭非常粉又飽肚 , 

不用叫白飯 .

大良燉鮮奶 $ 15 

燉奶幾滑唔太甜 .

紅豆沙湯丸 $ 12.8

衹有一粒芝麻湯丸 , 紅豆沙唔太甜算煲得幾綿 . 

茶位 $ 17