送羊迎猴話咁快已到年初九 ,
新春和相公家人第一次飯聚在荃灣廣場的潮江春 ,
很多年前曾吃過另外一間潮江春 ,它的餸菜頗為啱口味 ,
所以心裡對今次的潮江春有些期望 .
新春期間大部酒樓餸菜都比平常貴 ,
有些餸菜冠上好意頭的名稱 .
前菜雲耳花生青瓜炸菜 , 味道甜甜的不錯 .
滷水鵝片滷水豆腐墊底
鵝肉較韌 , 滷水豆腐很入味 .
走地土家雞半隻
雞身細細皮的脂肪也不少 ,
肉質不像普通走地雞咁有口感 ,
加拿大龍蝦一隻伊麵底 ,
以前在加拿大吃過龍蝦 , 好似跟今次有點不相同 ,
肉很少味道又唔鮮甜 , 連墊底的伊麵也沒有龍蝦味 .
花膠什菌豆腐
花膠幾厚身 , 豆腐炸過裡面很滑味道很淡 ,
什菌可能吸了蠔油 , 味道唔錯 .
砂鍋梅菜肉碎炒菜心
近來天氣寒冷蔬菜貴又唔靚 ,
菜心樣子麻麻有些都幾老又煮得太稔 ,
肉碎梅菜反而成了主角 .
瑤柱肉碎粥
食材豐富味道幾好 ,
除了瑤柱肉碎外 , 還有鮮冬菇和脆方魚碎 .
" 年年有餘 " 清蒸沙巴龍躉班
肉質幾滑但沒有魚鮮味 .
" 生財就手 " 紅炆元蹄
食材有發菜和生菜 , 元蹄炆得過火沒有肉味 .
飯後我們都希望吃些甜品 ,
叫了四碗紫米西米糖水
一碗花生麥米粥
一碗凍楊枝甘露
鴛鴦水晶包 4 粒
紫米西米糖水唔太甜 ,
糖水中的西米煮得好稔大大粒沒有口感 .
花生麥米粥同樣煮得太稔沒有口感 .
凍楊枝甘露家人話過得去 .
鴛鴦水晶包
以前吃過好次水晶包 ,
大都是紅豆蓉或綠豆蓉和奶黃 ,
這間店用紫蕃薯和蓮蓉 ,
紫蕃薯味道淡淡的 , 我較愛吃綠豆蓉 , 蓮蓉一般 .
美心集團, 應該有一定水準喎
回覆刪除廚師難請形成良莠不齊 .
刪除春節真好,可以有機會和親朋戚友開心樂聚!
回覆刪除係呀香港生活較忙碌真是難得一家人閒話家常 , 最好都係約埋一齊吃飯聚聚 .
刪除happy ak 晚上好,
回覆刪除新春愉快,飯聚菜式很豐富喎,
wah wa 晚上好 .
刪除新春大吉 , 新一年開始吃稍稍豐富少許 .
春節都是開心聚會。
回覆刪除平時各有各忙 , 難得找個藉口聚聚 .
刪除鴛鴦水晶包: 我的至愛!
回覆刪除我都係 , 但紫薯麻麻 .
刪除