2017年1月14日 星期六

福田翡翠拉麵小籠包

前天相公又提議前去國內福田遊逛 , 
我們在福田口岸附近看見有寫明是港式茶餐廳 , 試試罷 ! 
叫了咖喱雞飯和涼瓜排骨飯 , 食物和飲品唔夠熱 ,
味道大打折扣 , 填飽肚子算了 . 
上次到福田已行過附近的街道店鋪 ,
今次試乘地鐵到較遠的地區去 ,
地鐵行駛路線覆蓋範圍非常多 , 
我們沒有特定要去的區域 ,
衹是胡亂在地鐵站內有咩車就上去 ,
轉折幾次來到 " 大劇院站 " 便下車 , 
出口處寫上京基( KK MALL )高高的商業樓宇 , 
看圖片介紹樓高100 層 , 除了寫字樓和酒店, 
另外附設四層高的商場 .


 非繁忙時間人流很少 , 
服裝店大都是香港那幾間大連鎖店 ,
使我有如置身香港金鐘或中環商場 . 
 商場內食肆也不少 , 
很多名稱都和香港一樣 .

午餐的所謂港式茶餐廳食物好像還未完全消化 ,
晚餐到翡翠拉麵小籠包吃麵 .
 鱔糊炒拉麵和原盅雲吞雞湯 , 兩款食物同樣唔夠熱的 ,
鱔切得很幼細肉身稔席席 , 麵條味道還可以但很油膩 .
雲吞雞湯份量很少又多油 ,
 內有兩隻雲吞和四至五粒稔席席的雞肉 , 湯味一般 .
 小籠包外皮厚薄一般 , 
肉汁幾豐富好多油 .
但都係唔夠熱 .



食完麵時間尚早 , 入超市生果部逛逛 , 
大部份都是進口貨 , 價錢都幾貴 .

17 則留言:

  1. 我以前都喜歡跟朋友到深圳吃喝,現在只有興趣去書畫文具店逛逛。

    回覆刪除
    回覆
    1. 我暫時還未遇到文具店 , 書店就見過但書中文字係簡體 , 好多字我都唔識 .

      刪除
  2. 對當地人係咪高消費呢

    回覆刪除
    回覆
    1. 我諗係 , 可能這商場是商業區 , 經常有外國人出入 , 連超市裡的生果除了外國貨貴外 , 曾看見一些番薯來自廣西一袋要差不多29文人仔 , 看其重量大概跟香港賣的日本番薯差不多錢 .

      刪除
  3. 回覆
    1. 對呀 ! 我覺得暖和的食物最唔好食的 , 更美味都大打折.

      刪除
  4. KK Mall內有一間叫外婆家嘅食店,在國內有很多分店,食物款式很多,價錢又便宜,下次可以試試

    回覆刪除
    回覆
    1. 謝謝你呀 ! 下次再去我一定試試 .

      刪除
  5. KK Mall內有一間叫外婆家嘅食店,在國內有很多分店,食物款式很多,價錢又便宜,下次可以試試

    回覆刪除
  6. happy ak 晚上好,
    大家飲食文化有別,所謂港式都唔好祈望咁高,

    回覆刪除
    回覆
    1. 午安 wah wa
      說得對呀 , 跟香港食肆差距很大的 .

      刪除
  7. 深圳消費同HK有過之無不及呢....
    好怕食微暖的東西

    回覆刪除
    回覆
    1. 我都覺得物價好貴 .
      食物微暖好難食 .

      刪除
  8. 而家深圳D消費高過香港架

    回覆刪除