2017年1月20日 星期五

陶源酒家團年

轉眼一年將盡 , 好快就農曆新年 ,
我們一家人齊到奧海城陶源酒家提早吃團年飯 , 
我們7點鐘到達目的地 , 
剛坐下來相公便說這裡冷清清衹得幾枱客 ,
順眼看看果真清靜得很 , 
立刻聯想酒樓冷清大概衹有幾種原因 ,
餸菜麻麻與價錢不相符 , 
招呼不周或位置唔就腳 ,
呵呵不敢寄與厚望了 .
我們預定 " 發財開運宴 " 半席 , 
星期一至五推廣價 $ 1980 .


添運小金豬
名符其實小金豬 , 體型很細 ,
皮脆肉滑 , 我們合家都讚賞 ,
第一款餸制作已不錯 , 
心裡暗以為其他餸相信都有水準 .
 原隻鮮鮑伴玉掌
 半圍六隻鮮鮑 , 可人兒唔食 , 
我們六大人每人一隻 ,
鮮鮑要花點牙力 , 少許鮑魚味 , 
汁調配適中 , 鵝掌夠稔炆得入味 .
 極品花膠濃雞湯和高湯美國龍蝦伊麵 
湯的食材衹有雞和花膠 , 
花膠唔算薄 , 湯味太濃近乎鹹要加白開水混和 .
龍蝦伊麵
龍蝦唔太新鮮 , 肉很少又削 , 
每件龍蝦都蘸上厚漿炸 ,
伊麵没有沾上龍蝦味 , 麻麻 . 
 花膠滑滑骨膠原養顏 , 如果湯冇咁鹹就不錯了 .
 西蘭花炒蟶子皇
蟶子過熟幾韌冇咩鮮味 , 
其他食材有黃 , 紅甜椒和疑似爽口珊瑚蚌 ,
整碟餸淡 , 麻麻 . 
 年年有餘沙巴龍躉
我們衹有半席 , 魚要改動成這樣 ,
肉實唔太鮮味 .
 金雞來報喜脆皮雞 
皮很脆肉質算幾滑 , 但雞味欠奉 .
 紅柿粒粒浸菜苗
很有創意 , 可惜豆苗偏老 ,
浸菜苗的湯又冇味 , 
粟米粒粒甜甜的 , 可人兒愛吃罷 ! 
最後一款餸係金腿帶子粒炒飯 , 
等差不多半小時才送來 ,
前面幾款餸菜都麻麻 , 心裡不存厚望 ,
哈哈 , 這款炒飯炒得好好味熱辣辣夠鑊氣 , 
帶子雖細粒但有鮮味 , 火腿就唔多覺眼 ,
嘻嘻忘記影下來 .
 美顏紅棗糕
甜度適中煙煙韌韌好吃 , 
整頓飯金豬和甜品最好吃 ,
今餐飯總算好頭好尾 , 意頭唔錯盛惠 2270大洋 .



14 則留言:

  1. 咁都算有幾樣餸好味,人客少可能價位較高,我見周圍都好旺。

    回覆刪除
    回覆
    1. 除了價位問題 , 餸菜沒有特別食材又唔太新鮮都好有關 .

      刪除
  2. 都好多餸,咁好唔好吃?
    銅鑼灣的酒樓都好少人

    回覆刪除
    回覆
    1. 乳豬最見得人又好食 , 炒飯都可以其他就麻麻 .
      喔銅鑼灣鬧市都靜 ? 哦可能少咗遊客了 .

      刪除
  3. 我印象中陶源幾好味架
    係FB見到, 有D酒樓年夜飯一圍要$6888, 嚇親我

    回覆刪除
    回覆
    1. 我第一次食這間酒樓 .
      呢間酒樓都有一席年夜飯係過一萬元的 .

      刪除
  4. 自從陶源俾富臨收購咗之焌,
    已經無再去食飯,質素同富臨差唔多...價錢就收番之前高檔。

    回覆刪除
  5. 為免人迫團年我都不限吃中菜。

    回覆刪除
  6. 團年飯最緊要食得開開心心^^

    回覆刪除