新世紀廣場 " 北京樓 "

年初十意味著農曆新年己過, 

市面已回復正常 , 出省到旺角新世紀廣場逛下 , 

每次到這商場總是人流不少 , 

可能連著火車站所以國內遊客也不少 . 

好多商場仍有新年佈置 , 

細看這裡的佈置好似跟新年無關 . 

娃娃做型都幾可愛 

原來這些佈置為了配合國際抱抱日而設(  1月21 )

傳媒經常報導每逢假期或星期五 , 

好多人北上吃喝玩樂 , 

我們諗住今日是星期五 , 

揾地方食晚飯相對唔太難的 , 

但 .... 行咗好多間食肆門口 , 

都很多人正在等位 ( 大部份都係年青人居多 ) 

最後入北京樓 , 

面積都幾大座位也不少 , 但都差不多坐滿客 , 

好彩近門口還有一張細枱 , 

終於可以坐下來了 ! 

茶位 $ 18

冷盆鹽水鴨 $ 118 

鴨油脂少但略嫌偏鹹 , 衹吃了兩件其餘打包回家

豉椒牛柳絲炒拉麵 $ 138 

夠鑊氣豉椒味好香 , 牛柳絲切得幼細腍滑 , 

還有些黑椒碎和辣椒微辣好食 . 

蘿蔔絲酥餅 3隻 $ 75 

外面鬆化裡面蘿蔔絲汁好燙咀 , 甜甜的好好味 . 

小籠包6隻 $ 88 

皮算幾薄湯汁幾鮮 .

紅油抄手 6隻 $ 76 

醬油甜甜地唔太辣都幾好味 .

五款食物除了鹽水鴨嘛嘛 , 其他都唔錯 .